Ka pasur reagime të ndryshme pasi Shakira publikoi një hit të ri përmes të cilit ajo godet ish-partnerin Gerard Pique dhe të dashurën e tij aktuale, Clara Chia. Megjithatë, ka diçka që shqetëson më shumë familjen e Pique-s sesa teksti i diskutueshëm i këngës së re të këngëtares së njohur.
Nëna e Pique, Montserrat Bernabeu thuhet se ka vënë re se ka një manekin të një shtrige të zezë të montuar në një fshesë të vendosur në tarracën e shtëpisë së Shakirës në Barcelonë. Gazetari Marc Leirado Millan tha për emisionin spanjoll ‘Mas Vale Tarde’ se Bernabeu madje i kërkoi një prej personelit të Shakirës që ta kthente shtrigën në mënyrë që të mos përballej drejtpërdrejt nga shtëpia e tyre, e cila është në të njëjtën rrugë.
![](https://www.topalbaniaradio.com/v7/wp-content/uploads/2023/01/FmRyAWzXEAA5kLi.jpg)
Ekipi i ‘Mas Vale Tarde’ shkoi në banesën e tyre dhe verifikoi që manekini i shtrigës është në tarracë. Teksa po filmonin, panë se si një punëtore doli për ta kuruar dhe e mori me vete, duke vënë re se kamerat po e kapnin atë që ajo po bënte. Megjithatë, ata tregojnë se ajo u rikthye në faqe, duke parë në drejtim të shtëpisë së prindërve të Pique.
![](https://www.topalbaniaradio.com/v7/wp-content/uploads/2023/01/WhatsApp-Image-2023-01-14-at-19.02.28.jpeg)
Përmes rrjeteve të tij sociale, gazetari Marc Leirado ka dhënë më shumë detaje rreth manekinit, duke treguar se kjo situatë vazhdon prej disa javësh. Leirado ka shkruar se:
Javë më parë, mora disa informacione se nëna e Pique ishte e shqetësuar për një ritual të supozuar që i ishte bërë me një shtrigë të zezë. Por unë nuk i dhashë më shumë rëndësi.
Edhe pse e ëma e Piques kërkoi që të hiqej, Shakira duket se ka urdhëruar që të vendoset sërish në vendin që e bën familjen e ish-partnerit të saj të mos ndihet rehat.