Dua Lipa dhe Callum Turner duket se po përgatiten për një nga momentet më të rëndësishme të jetës së tyre, martesën.
Sipas mediave britanike, çifti po planifikon një ceremoni të vogël dhe shumë intime këtë verë, duke zgjedhur që gjithçka të mbahet larg syrit të publikut.
Edhe pse data e dasmës raportohet se është vendosur, ata kanë kufizuar ndjeshëm listën e të ftuarve, duke preferuar një atmosferë private.
Në rrethin e miqve të këngëtares përfshihen emra të mëdhenj si Elton John, Olivia Dean, Mark Ronson, Donatella Versace dhe Charli XCX, por burimet thonë se jo të gjithë do të jenë të pranishëm për shkak të natyrës së kufizuar të eventit.
Sa i përket vendit, dyshja ka shqyrtuar disa destinacione, mes tyre Itali dhe Mbretëria e Bashkuar, me shumë gjasa që ceremonia të zhvillohet në Itali.
Lidhja e tyre u bë publike në fillim të vitit 2024, ndërsa fejesa u konfirmua më vonë në një intervistë për “British Vogue”.
Historia e tyre e dashurisë nisi në mënyrë të rastësishme, në një festë ditëlindjeje të një miku të përbashkët, dhe tani duket se po shkon drejt një kapitulli të ri, larg zhurmës, por plot emocion.
