Elisa Spiropali ka reaguar për herë të parë pas emërimit si Ministre për Europën dhe Punët e Jashtme.
Kryeministri Edi Rama konfirmoi zyrtarisht emrin e saj në këtë post të rëndësishëm. Spiropali e cilësoi detyrën si një nder dhe përgjegjësi të madhe.
Ajo theksoi se integrimi i Shqipërisë në BE deri në vitin 2030 është një mision historik. Më herët, ajo ka drejtuar Kuvendin e Shqipërisë.
“Nder dhe përgjegjësi për mua që pas drejtimit të Kuvendit të Shqipërisë, të marr besimin e Kryeministrit Rama dhe Asamblesë Socialiste për të drejtuar Ministrinë për Europën dhe Punët e Jashtme. Integrimi i Shqipërisë në familjen tonë natyrale europiane brenda 2030-s nuk është thjesht objektiv politik, por misioni ynë historik”, shkruan Spiropali.
Kryeministri Edi Rama gjatë mbledhjes së Asamblesë së PS ka zbuluar emrat e kabinetit të ri qeveritar.
Në fjalën e tij Rama ka treguar se cilët do të jenë socialistët që do të drejtojnë dikasteret e Rama 4.
Kabineti i ri qeveritar:
Zv.kryeministre dhe Ministre e Infrastruktrës dhe Energjisë- Belinda Balluku.
Ministria e Punëve të Brendshme – Albana Koçiu (Për herë të parë një grua)
Ministria për Evropën dhe Punën e Jashtme – Elisa Spiropali
Ministria e Financave – Petrit Malaj
Ministria e Mjedisit – Sofjan Jaupaj
Ministria e Kulturës, Turizmit dhe Sportit – Blendi Gonxhja
Ministria e Arsimit dhe Sportit – Mirela Kumbaro
Ministria e Shëndetësisë – Evis Sala
Ministre e ekonomise dhe inovacionit- Delina Ibrahmiaj
Ministër i Drejtësisë – Besfort Lamallari
Ministria e Mbrojtjes – Pirro Vengu
Ministria e Bujqësisë – Andis Salla
Ministri i pushtetit Vendor- Ervin Demo
Ministri për marrëdhënine me parlamentin- Toni Gogu.
