Victoria Beckham ka bërë publike një urim emocionues për mikeshën e saj të ngushtë, makeup artisten Charlotte Tilbury, e cila festoi ditëlindjen e 53-të të martën.
Stilistja 51-vjeçare ndau në Instagram një video të tyre gjatë shkëmbimit të dhuratave të Krishtlindjeve në vitin 2022, ku Charlotte me humor kërkonte të bëhej pjesë e Spice Girls.
Victoria nuk ngurroi ta shpallte mikeshën “Magic Spice” ose “Beauty Spice”, duke e bërë Charlotte të shpërthente nga gëzimi: “Jam brenda! Jam brenda!”
Në postim nuk mungoi edhe një foto nostalgjike nga kopertina e parë e një magazine ku të dyja kishin punuar së bashku. Beckham e ka përshkruar mikeshën si një nga burimet e saj të inspirimit, ndërsa Charlotte ka thënë se Victoria është një nga musat e saj, madje edhe duke emërtuar një nga nuancat e njohura të buzëkuqit të saj “Very Victoria”.
Miqësia e tyre zgjat mbi 25 vite, dhe Victoria ka theksuar:
E njoh më shumë sesa burrin tim!
Postimi i Victoria-s erdhi pak orë pasi Marc Anthony foli për herë të parë lidhur me polemikën e Brooklyn Beckham, i cili akuzoi prindërit e tij, David dhe Victoria, se kishin ndërhyrë në momentin e tij të parë të vallëzimit me Nicola Peltz gjatë dasmës së tyre në 2022.
Anthony e përshkroi situatën si “shumë e pafat” dhe shtoi se mënyra si u transmetua nuk ishte e vërteta e plotë.
