Kryetari i Partisë Demokratike Sali Berisha ka hedhur poshtë zërat se opozita do të bojkotojë zgjedhjet për kryetarin e ri të Bashkisë Tiranë.
Nga konferenca për shtyp, Berisha tha se PD ka kandidatë potencialë, ndërsa komentoi edhe shkarkimin e kryebashkiakut aktual, Erion Veliaj.
Ai tha se në emër të PD kërkon që Veliaj të marrë pjesë në Këshillin Bashkiak, në mbledhjen për shkarkimin e tij ditën e nesërme.
“Kërkojmë që Veliaj të lejohet të flasë para këshillit bashkiak. Këshilltarët tanë kanë përsëritur votën për shkarkimin e tij. Nëse Rama nuk ka frikë nga Veliaj, ta lërë të flasë atë. Është e drejtë që nuk mund t’i mohohet. PD ka jo një, por disa kandidatë të shkëlqyer ju garantoj se PD ka kandidatë të pakrahasueshme me korbën e korrupsionit. Nuk jam unë i autorizuar të nxjerr emrat, por siguroj që PD ka kandidatë të pakrahasueshëm me korbën e Kovidit. PD do bëjë përpjekje për të hyrë me koalicion. Do përpiqemi të biem në ujdi me partitë opozitare, me ato që ndihen. Aty debati do jetë për kandidatura. Ne nuk themi “ose kandidatura jonë, ose nuk ka koalicion me ne”. Secili është i vetëdijshëm që zë kryesor do jetë PD-ja.”-u shpreh Berisha.
Kreu i Partisë Demokratike, Sali Berisha, ka konfirmuar nga selia blu se PD do të synojë të hyjë në zgjedhjet e parakohshme për Bashkinë e Tiranës përmes një koalicioni opozitar.
“Së pari, PD do bëjë përpjekje për të hyrë me koalicion në zgjedhjet për Bashkinë e Tiranës,” u shpreh Berisha. Ai theksoi se do të kërkohet bashkëpunim me të gjitha partitë që ndihen opozitare, ndërsa theksoi se çështja e kandidaturës do të jetë pjesë e një debati të brendshëm mes aleatëve. Nuk themi që ose të jetë kandidatura jonë ose s’ka koalicion, por të gjithë janë të vetëdijshëm që zëri kryesor në koalicion do të jetë PD,” tha Berisha, duke nënvizuar rolin udhëheqës të forcës që ai drejton.
Ai shtoi se pas konsultimeve me aleatët, do të prezantohet edhe kandidati për bashkinë, duke theksuar se Partia Demokratike “nuk ka vetëm një, por disa kandidatë të shkëlqyer” dhe se nuk ka asnjë problem me gjetjen e emrit përfaqësues.
