“Është e bukur, prekëse dhe krijuese”. Një këngë e papublikuar e Queen, e kënduar nga Freddie Mercury, u zbulua nga Roger Taylor dhe Brian May. Bateristi dhe kitaristi i grupit e konfirmoi këtë së fundmi gjatë një interviste për BBC Radio 2. Kënga do të publikohet në fund të këtij viti dhe titulli do të jetë “Face it only”.
Nuk është hera e parë që publikohet një këngë e padëgjuar që nga vdekja e Mercury-t, më 24 nëntor 1991. Në vitin 2014 u publikua përmbledhja “Queen forever”, e cila përfshinte këngë të regjistruara në vitet ’80. Taylor tha se:
Ne gjetëm një perlë të vogël të Freddie që e kishim harruar dhe është e mrekullueshme. Në fakt, ishte një zbulim i vërtetë. Kënga u gjet në regjistrimet e bëra gjatë realizimit të albumit ‘The Miracle’, i publikuar në 1989.
Ndërsa May shtoi:
Ne e pamë atë shumë herë dhe menduam, ne nuk do të mund ta shpëtojmë atë. Por ekipi ynë i mrekullueshëm tha: ‘Ne mund ta bëjmë këtë dhe kjo ishte si të qepje copat së bashku. Është e bukur. Është lëvizëse, një pjesë pasionante’.
Rikujtojmë, se fjalët dhe ditët e fundit të legjendës së grupit “Queen”, Freddie Mercury u zbuluan vitin që lamë pas në një dokumentar të ri të BBC-së, me titull “Freddie Mercury: The Final Act”. Në këtë dokumentar u dha edhe dëshmia e Anita Dobson-it, bashkëshortja e Brian May-t dhe mikeshë e ngushtë e Freddie-t, e cila rrëfen mënyrën si ai po përgatitej për vdekjen, që 6 muaj para se të mbyllte sytë, si pasojë e ndërlikimeve shëndetësore nga SIDA.
Në dokumentar, Anita e përshkruajti yllin e muzikës si “shumë të dobët e të pafuqishëm” para ndarjes nga jeta, më 24 nëntor të vitit 1991, në shtëpinë e tij në West London. I lindur nën emrin Farrokh Bulsara në Zanzibar, më 5 shtator 1946, Freddie Mercury do të ishte sot 76 vjeç. Këngëtari i “Queen” vdiq tragjikisht në një moshë të re, pasi humbi betejën e tij me AIDS, 30 vjet më parë këtë Nëntor. Sidoqoftë, emri i tij si një legjendë e muzikës rock jeton ende, teksa fansat në të gjithë botën dëgjojnë dhe brohorasin emrin e yllit.
