Jeta e Travis Kelce ka marrë një kthesë të papritur që prej lidhjes me Taylor Swift, dhe vetë ylli i NFL ka zbuluar disa nga ndryshimet më të papritura në stilin e tij të jetesës.
Në një intervistë në podkastin “New Heights”, të cilin e drejton së bashku me vëllain e tij Jason Kelce, ai pranoi se këngëtarja ka ndikuar ndjeshëm në zakonet e tij të përditshme.
Mes batutave dhe momenteve argëtuese, Kelce tregoi se ka filluar të provojë ushqime që më parë nuk do t’i kishte menduar kurrë.
Fillova të sillem si burrë kur jam pranë saj
-tha ai me humor, duke ia atribuar këtë ndryshim natyrës aventuriere të Swift.
Deklaratat vijnë në një kohë kur spekulimet për një martesë të afërt mes çiftit janë shtuar ndjeshëm. Edhe pse qarkullojnë data të mundshme si 13 qershori apo 3 korriku, asgjë nuk është konfirmuar zyrtarisht deri më tani.
Ndërkohë, çifti vazhdon të mbajë gjithçka larg syrit të publikut, duke përfshirë edhe planet për ceremoninë, duke shtuar edhe më shumë mister rreth asaj që shumë fansa po e quajnë “dasma e vitit”.
