Koncerti i Kanye West në stadiumin “Stadium Śląski” është anuluar zyrtarisht, vetëm pak ditë pasi u shty edhe paraqitja e tij në Francë, duke shtuar edhe më shumë tensionet rreth artistit.
Vendimi u bë publik nga drejtori i stadiumit, Adam Strzyzewski, i cili theksoi se koncerti i planifikuar për 19 qershor 2026 nuk do të mbahet për “arsye formale dhe ligjore”.
Ky zhvillim vjen në një moment kur reperi po përballet me reagime të forta ndërkombëtare për deklaratat e tij të mëparshme antisemite dhe për glorifikimin e nazizmit.
Vetëm pak më herët, Mbretëria e Bashkuar i kishte ndaluar hyrjen artistit, duke e përjashtuar nga një festival ku ishte parashikuar si emri kryesor.
Autoritetet polake kishin paralajmëruar më herët për mundësinë e ndalimit të koncertit, ndërsa ministrja e Kulturës, Marta Cienkowska, deklaroi se në një vend me histori të rëndë si Polonia, tema të tilla nuk mund të trajtohen si argëtim.
Poland është një nga vendet më të goditura nga Holocaust, ku mbi 1.1 milion njerëz humbën jetën në kampin e Auschwitz concentration camp gjatë pushtimit nazist.
Ndërkohë, reperi nuk ka reaguar ende publikisht për anulimin në Poloni. Më herët këtë vit, ai kërkoi falje për deklaratat e tij, duke i lidhur me një çrregullim bipolar të patrajtuar.
Kjo nuk është hera e parë që Ye përballet me masa të tilla, vitin e kaluar atij iu ndalua hyrja edhe në Australia.
Megjithatë, pavarësisht polemikave, ai ka vijuar me disa koncerte në Shtetet e Bashkuara dhe Mexico City, ndërsa planet për turne në Evropë dhe Azi mbeten ende të paqarta.
