Numri që pritet të dalë në shtator i revistës prestigjoze Vogue është duke hyrë në histori. Revista amerikane zgjodhi tetë modele për kopertinën e numrit më të pritur të vitit, përfshirë këtu Ariel Nicholson, ylli i parë transgjinor që pozon për kopertinën e Vogue. Modelja 20-vjeçare pozoi përkrah Anok Yai, Bella Hadid, Precious Lee, Kaia Gerber, Yumi Nu, Lourdes “Lola” Leon dhe Sherry Shi.
Modele të ndryshme u përzgjodhën për të përfaqësuar “Generation America” në kopertinën historike, përpara “Met Gala” me tematikë “Në Amerikë: Një leksik i modës”. Ariel Nicholson shkëlqeu në setin fotografik. Ajo kishte vendosur që të vishte një kombinim nga stilisti i njohur Christopher John Rogers. Ajo u shpreh lidhur me këtë:
Unë jam futur në këtë kuti, ‘modele trans’. E cila është ajo që jam, por kjo nuk është gjithçka që jam. Padyshim që është një punë e madhe të jesh gruaja e parë trans në kopertinën e Vogue. Por është gjithashtu e vështirë të thuhet saktësisht se çfarë lloj marrëveshje e madhe është kur efektet janë aq të paprekshme.
Në moshën 13-vjeçare, Nicholson luajti në dokumentarin e PBS “Growing Up Trans”, dhe nënshkroi me DNA Models ndërsa ishte në shkollë të mesme. Që atëherë, ajo ka pozuar për kopertinat e “Vogue” dhe “Love” italiane dhe ka ecur në pasarelë për Marc Jacobs, Miu Miu dhe Calvin Klein, madje nga kjo e fundit, Nicholson e shpall gruaja e parë trans që eci në pasarelë për shtëpinë amerikane të modës.
