Kirurgjia plastike sot është më popullore se kurrë. Çdo vit, klinikat që operojnë në këtë treg realizojnë miliona procedura, nga trajtimet minimale invazive, si filler-at dhe botox, deri te operacionet komplekse kirurgjikale si rinoplastika dhe barku. Në shumicën e rasteve, këto procedura kalojnë pa probleme. Megjithatë, ka gjithmonë rreziqe kur futeni në thikë.
Keni pyetur ndonjëherë se cilat procedura janë më të rrezikshme? Kirurgët plastikë zbulojnë vendin më të rrezikshëm për të bërë operacion plastik. Dhe ato janë të pasmet! Ekspertët kanë rënë dakord që zhvendosja e yndyrës gluteale, është aktualisht procedura më e rrezikshme e kirurgjisë plastike. Sipas kirurgut plastik, Samuel Lin, MD, “vdekja mund të ndodhë aq shpesh sa një në 2351 BBL (Brazilian butt lift).”
Sidoqoftë, vërehet se BBL mbetet jashtëzakonisht një ndërhyrje popullore dhe më shumë se 21,000 opreracione të tilla janë kryer nga kirurgë të certifikuar në SHBA në vitin 2020. Kur yndyra injektohet në vithe, ndonjëherë mund të hyjë në enët më të mëdha të gjakut në zonën gluteale. “Yndyra më pas përfundon në mushkëri, gjë që mund të shkaktojë probleme me frymëmarrjen dhe në raste të rënda, vdekje”,-thotë Ourian.
Komplikacioni quhet “emboli dhjamore pulmonare”. Vetëm për shkak se BBL është një procedurë e rrezikshme nuk do të thotë se nuk mund të ekzekutohet në mënyrë të sigurt. Eshtë e rëndësishme që një kirurg që kryen një BBL të ketë përvojë në procedurë dhe të trajnohet në teknikat më të sigurta. Ata njerëz me një histori të konsumimit të duhanit ose mpiksjes së gjakut mund të mos jenë kandidatë të mirë për procedurën. Nëse mjeku juaj thotë se jeni në rrezik të lartë, është më mirë ta dëgjoni.
Kirurgjia plastike moderne ka lindur në vitin 1814. Sot kirurgjia plastike ka bërë një rrugë të gjatë dhe është bërë një ndihmesë e madhe. Është e natyrshme që të famshmit të kryejnë disa të tilla duke marrë parasysh që ndiqen në çdo detaj nga fansat e tyre dhe duan të duken sa më mirë. Sigurisht, kjo nuk do të thotë që të gjithë e bëjnë atë. Dhe madje edhe për ata që bëjnë diçka, jo të gjithë do ta pranojnë. Kjo është arsyeja pse ndjekësit i admirojnë këta të famshëm të guximshëm që kanë treguar për përvojën e tyre në kirurgjinë plastike. Zbuloni më shumë në këtë link.
