Në një seri postimesh, artistja e njohur Doja Cat zbuloi se ajo u detyrua të bënte një operacion të bajameve më 19 maj pasi u infektuan dhe kjo mund të ishte “lajm i keq” për fansat e saj sepse ajo ka anulluar paraqitjet e saj në festivale dhe koncerte. Këngëtarja nuk ka specifikuar se çfarë mund të ishte, por fansat dyshojnë se ajo mund të duhet të braktisë edhe turneun e The Weeknd “After Hours Til Dawn” ose të anulojë performancën e saj të planifikuar në Festivalin Hangout në Alabama më 21 maj, nëse nuk do të shërohet në kohë.
Doja shpjegoi se bajamet e saj u infektuan para paraqitjes së saj në Billboard Music Awards 2022, ku fitoi disa trofe, duke përfshirë Top Artistin R&B, dhe në mënyrë qesharake hodhi pijen e saj përpara se të dilte në skenë për të mbajtur fjalimin e dytë të pranimit. Megjithatë, ajo që fansat nuk e dinin është se ajo po merrte antibiotikë për fytin e saj dhe alkooli nuk e ndihmoi.
Kam harruar që po i merrja dhe më pas piva verë dhe po vuaja gjatë gjithë ditës. Më pas fillova të kem një rritje të keqe në bajame, kështu që ata duhej të bënin një operacion në të sot. Qaja dhe më dhimbte shumë, por jam mirë.
Tani mesa duket artistja është më e qetë dhe ndihet shumë më mirë sesa ishte para se të operonte bajamet e saj. Vlen të theksohet gjithashtu se pas pjesëmarrjes së saj në eventin e javës që lamë pas në “Billboard Music Awards 2022” ajo përveçse fitoi disa çmime, mori edhe shumë vëmendje me veshjen e saj që e bënte atë të dukej e mahnitshme.
