Kuriozitete
Një burrë nga Idaho, SHBA, ka shënuar rekord të ri botëror Guinness duke veshur 10 bluza në vetëm 15.03 sekonda. David Rush, i cili ka thyer më shumë se 250 rekorde botërore, edhe më parë ka bërë të njëjtën gjë për 15.61 sekonda.
Pacienti i parë të cilit i është implantuar një çip në tru nga kompania Neuralink e Elon Musk ka arritur të luajë shah. Noland Arbaugh i cili pas një aksidenti me makinë është paralizuar në disa pjesë të trupit të tij, ka marrë një implant nga Neuralink në fillim të këtij viti. Ai ka arritur të luajë shah duke ndaluar muzikën vetëm me anë të mendimeve të tij.
Inteligjenca Artificiale do të mund të përdoret për të parashikuar gjendjen shëndetësore të një pacienti në të ardhmen. Teknologjia do mund të përdoret për të ndihmuar mjekët kur bëhet fjalë për monitorimin e pacientëve ose marrjen e vendimeve rreth diagnozës së tyre.
Mjekët kanë kryer transplantin e parë të një veshke të modifikuar gjenetikisht nga një derr tek njeriu. Operacioni katër orësh u krye në Spitalin e Përgjithshëm të Masaçusets, i cili ishte gjithashtu spitali i parë që ka kryer transplantin e veshkave në vitin 1954.
Një nga delet e një fermeri ka lindur një qengj që peshonte plot 16 kg. Kafsha është më shumë se tre herë më e madhe se një qengj i zakonshëm. Rekordet Botërore Guinness thanë se nuk regjistronin peshën e qengjave dhe kështu nuk mund të konfirmonin nëse kafsha kishte thyer ndonjë rekord.
Një çift anglez në mes të rinovimit të shtëpisë së tyre bëri një zbulim befasues pas oxhakut; një grumbull letrash që datojnë gati 100 vjet më parë.
Space VIP, një kompani amerikane e udhëtimeve luksoze në hapësirë, ka punësuar kuzhinierin e famshëm danez Rasmus Munk për të përgatitur një darkë në buzë të hapësirës, me një kosto prej 500,000 dollarë për person. Udhëtimi do të zgjasë gjashtë orë në një kapsulë që do të lëshohet në stratosferë vitin e ardhshëm. Munch do të krijojë një menu për gjashtë të ftuar të cilët do të ngjiten në një lartësi prej 30 kilometrash mbi sipërfaqen e tokës dhe do të darkojnë së bashku.
Një grup grash nga Florida po përpiqen të shënojnë një rekord të ri botëror Guinness duke drejtuar makina lodra 800 kilometra drejt bregdetit. Cassie Aran dhe mikesha e saj Lauren synojnë të përshkruajnë 800 kilometra në një kohë prej rreth dy muajsh.
Lugina e Vdekjes quhet kështu për një arsye. Kjo luginë e shkretëtirës në Kaliforninë Lindore është një nga mjediset më të ashpra për jetën në Tokë dhe në të është duke u formuar një liqen i ri i çuditshëm që vazhdon të mbushet. Lugina e Vdekjes është pjesa e SHBA-së me më së paku reshje.
Arkeologët kanë zbuluar buzëkuqin më të vjetër në botë në Iranin juglindor. Produkti i lashtë i bukurisë me përmasa rreth 5 cm i gjatë, i ngjan një versioni cilindrik të buzëkuqit. Edhe pse buzëkuqi duket se ka ekzistuar për të paktën 5,500 vjet, studiuesit u befasuan kur e gjetën atë në Iran, vend që dikur e ndalonte grimin.
Një rekord mbresëlënës noti ka arritur nga kroatja Valentina Kafola, duke e rikthyer emrin e saj në krye të renditjes botërore dhe duke lënë pas Jasuko Ozeki nga Japonia, i cili mbajti rekordin për vetëm 36 orë. Valentina Kafola përshkoi distancën prej 140 metrash nën shtresën e trashë të akullit për një minutë e 40 sekonda.
Një grua nga Illinois shënoi një xhekpot prej 1.4 milionë dollarësh në lotari me një biletë që bleu duke përdorur numrat e ditëlindjes së fëmijëve të saj.
Pemët më të mëdha në botë u sollën për herë të parë në Mbretërinë e Bashkuar rreth 160 vjet më pare. Në Kaliforni ato mund të arrijnë 90 metra lartësi, por në Britani më e larta është 54.87 m. Druri i kuq gjigant mund të jetojë për më shumë se 2000 vjet.
Një kokë roboti “C-3PO” nga koleksioni privat i aktorit të “Star Wars” Anthony Daniels u shit në ankand për 843,750 dollarë. Koka e robotit është shfaqur në disa skena në filmin me regji të Richard Marquand.
Një fermë australiane ka shënuar rekord të ri botëror për kultivimin e boronicës më të madhe në botë. Boronica e cila peshon 20.4 gramë dhe është pothuajse 4 cm e gjerë, është ruajtur në frigorifer që nga nëntori i vitit të kaluar. Titulli më parë mbahej nga një boronicë 16.2 gramë e rritur në Australinë Perëndimore.
Gjykata e shkallës së parë në qytetin spanjoll të Vigos miratoi vendimin e parë sipas të cilit bashkëshorti duhet të paguajë ushqimin për një kafshë shtëpiake pas divorcit, në përputhje me ligjin e ri. Sipas aktgjykimit, ai do të paguajë 40 euro në muaj, si dhe gjysmën e shumës për shpenzime emergjente dhe veterinare.
Më shumë se 230 milionë gra dhe vajza i janë nënshkruar gjymtimit gjenital femëror, shumica prej të cilave jetojnë në Afrikë. Në të paktën 8 vitet e fundit, afër 30 milionë gra i janë nënshtruar kësaj procedure, përmes së cilës organet gjenitale të jashtme hiqen pjesërisht apo plotësisht.
Qentë e trajnuar posaçërisht janë në dispozicion në aeroportin e Stambollit për të qetësuar pasagjerët nervozë përpara fluturimit të tyre. Aeroporti ka zbatuar programin për të ndihmuar në uljen e stresit dhe ankthit tek pasagjerët që kalojnë nëpër terminalet e tij.
Një burrë në Indi posedon duart e një gruaje pasi iu nënshtrua një transplanti të rrallë të dy gjymtyrëve. Marrësi ishte një piktor dhe i mori organet nga Meena Mehta, një grua që ishte shpallur e vdekur në tru, por ishte zotuar të dhuronte organet pas vdekjes. Operacioni zgjati rreth 12 orë.
Disa punonjës meshkuj japonezë zyre në një kompani telekomunikacioni në Tokio kanë mundësinë e rrallë të ndjejnë dhimbje menstruale, duke përdorur një pajisje që simulon ndjesinë. Me shtypjen e një butoni një sinjal elektrik stimulon muskulin e poshtëm të stomakut për të krijuar dhimbje.
Arkeologët në Turqi kanë zbuluar bukën më të vjetër në botë, që daton në vitin 6600 para Krishtit. Rreth furrës, arkeologët gjetën grurë, elb, fara bizele dhe një mbetje të rrumbullakët, “sfungjere”. Mbetja organike ishte bukë 8600-vjeçare, e papjekur dhe e fermentuar.
Astronautja e Emirateve të Bashkuara Arabe Nora Al Matrooshi është zyratarisht gruaja e parë me origjinë arabe që përfundoi programin e trajnimit të NASA-s duke shkuar në Hënë dhe tani është gati për të pushtuar hapësirën.
100 njerëz u mblodhën në Uells për të luajtur lojën e tërheqjes me litar duke formuar një rresht të gjatë 516.85 metra. Ndeshjen e fitoi ekipi i Snowsill dhe së bashku dy ekipet shënuan rekord të ri botëror Guinness për distancën më të gjatë të formuar nga njerëzit që tërheqin litarin.
Kulla Aeternitas në Dubai do të jetë kulla me orë, më e larta në botë, me një lartësi 450 metra. Kjo kullë do të jetë më shumë se katër herë lartësia e Big Benit të Londrës. Projekti do t’u dorëzohet banorëve në vitin 2027.
Varrin masiv më të madh të zbuluar ndonjëherë në Evropë, arkeologët thonë se e kanë gjetur në një vend në Gjermaninë jugore. Rreth 1,000 skelete të viktimave të murtajës janë gjetur në varrezat masive në qendër të qytetit të Nurembergut, të cilat ekspertët besojnë se mund të përmbajnë një total prej më shumë se 1,500 njerëz.
Një 62-vjeçar nga Gjermania është vaksinuar 217 herë për t’u mbrojtur nga COVID. Vaksinat janë blerë dhe dhënë privatisht brenda 29 muajve. Burri duket se nuk ka pësuar asnjë efekt. Studiuesit testuan gjithashtu disa mostra gjaku të ngrira të tij që ishin ruajtur në vitet e fundit.
Mosha e një prej dunave më të mëdha të rërës në Tokë është përcaktuar, për herë të parë në histori, nga shkencëtarët. Studiuesit zbuluan se baza e dunës është 13,000 vjet e vjetër, por pjesa e sipërme është formuar në 1,000 vitet e fundit. Duna është 100 metra e lartë dhe 700 metra e gjerë me krahë radialë. Pas formimit fillestar, ajo ndaloi së zhvilluari për rreth 8000 vjet dhe më pas u zgjerua me shpejtësi.
Dubai po importon akull nga Groenlanda në mënyrë që t’i përdorin në bare-restorante për të ftohur pijet. Kompania, Arctic Ice, dërgoi kontejnerin e saj të parë me rreth 22 tonë akull të Grenlandës në Dubai për në restorante, me qëllim që ta servirin në pijet e shtrenjta.
Craig Evans nga Uellsi ka shënuar rekord të ri botëror duke treguar dashurinë e madhe ndaj kafshës së tij të preferuar, lepurit. Evans ka realizuar 69 tatuazhe të lepujve të ndryshëm në pjesë të ndryshme të trupit të tij, duke shënuar kështu rekord botëror.
Amerikani Donald Gorske, mbajtës i një titulli të Rekordeve Botërore Guinness, ka forcuar më tej titullin e tij pasi ka deklaruar se ka konsumuar numrin më të madh të hamburgerëve Big Mac gjatë gjithë jetës. Vetëm gjatë vitit 2023, 70 vjeçari ka konsumuar 728 hamburgerë, duke e dërguar totalin e hamburgerëve të ngrënë në 34,128.
Një ekzekutim është ndaluar në Teksas pasi xhelati dështoi 8 herë për të gjetur damarin e të dënuarit në të cilën do të injektonte Pentobarbital, një ilaç i fuqishëm, me veprim të shpejtë, i aftë të shkaktojë vdekjen brenda pak minutash.
Një plumb i shkrepur nga revolveri i përdorur në vrasjen e yllit të ”Beatles”, John Lennon, në Nju Jork në vitin 1980, pritet të arrijë vlerën 2000 paund në një ankand.
Rreth 0.27% e popullsisë së botës feston ditëlindjen më 29 shkurt. Ka ende një numër të madh njerëzish që kanë këtë datë të rrallë të lindjes, rreth 21.5 milionë prej tyre.
Autoritetet në qytetin kinez Xi’an do të shpenzojnë rreth 90,000 euro për biletat e lotarisë që do të shpërndahen si çmime për të sapomartuarit që tregojnë certifikatat e tyre të martesës.
Mjekët në Kinë përdorën një torakoskop sa një kokërr orizi për të korrigjuar një “defekt” të një foshnjë të lindur para kohe. Në këtë mënyrë u shënua ndërhyrja e parë të këtij lloji për peshën më të ulët të raportuar ndonjëherë në botë.
Një orë që u dëmtua kur bomba atomike u hodh në Hiroshima më 6 gusht 1945 është shitur në ankand për më shumë se 31,000 dollarë. Ora mbeti e ngrirë në 8:15 të mëngjesit në momentin kur bomba atomike shpërtheu mbi qytetin japonez në ditët e fundit të Luftës së Dytë Botërore.
Një çift nga Maryland thyen një rekord botëror Guinness duke ndjekur 135 koncerte në një vit të vetëm. Ata shpenzuan gjithsej 18,407,24 dollarë për biletat e koncerteve gjatë vitit, një mesatare prej 68,17 dollarë për biletë.
Bari skocez “The Old Forge” ka shpërndarë birra falas për çdo klient. Sipas Librit të Rekordeve Guinness, është lokali më i largët në kontinentin e Mbretërisë së Bashkuar dhe ju duhet të ecni shumë për të arritur në të.
Restoranti i ri në Nju Jork ka një listë me 10 rregulla që duhet të zbatojnë klientët e tij. Mes tyre është edhe mosputhja e shefes pa pëlqimin e saj. Klientët duhet gjithashtu të mbulojnë kamerën e celularit të tyre me një afishe gjatë hyrjes dhe kërkimi për një vakt falas është rreptësisht i ndaluar.