NEWSLETTER

Botë e Çuditshme

Top Albania Radio rikthen botën e çuditshme në kohët më të çudtishme që po jeton planeti ynë, kur asgjë nuk është më e çuditshme. Botë e Çuditshme është një nga programet e hershme të Top Albania Radios, që i dedikohet gamës së madhe të kurioziteteve rreth jetës sonë, planetit ku jetojmë dhe jo vetëm, florës e faunës si dhe gjithçkaje që natyra dhe njerëzit kanë krijuar. Botë e Çuditshme është një program info/argëtues.

E shtunë - E diel, 09:00

Hosts & DJs

Eriselda Doko

Dj Saix

NEWSLETTER

Kuriozitete

Inteligjenca Artificiale mund të aplikohet për të diagnostikuar më herët autizmin. Ekspertët kanë zhviluar një sisitem IA me konceptim të ri, duke analizuar imazhet me rezonanca magnetike cerebrale dhe të arrijë të përftojë imazhe 3D duke u bazuar në analizat e lëvizjes së molekulave të ujit të pranishme në zonën cerebrale.

Një grua 70-vjeçare nga Uganda ka sjellë në jetë binjakë pasi arriti të mbeste shtatzënë me anë të fertilizimit In Vitro. Kështu, Safina Namukwaya u bë gruaja më e vjetër që sjell në jetë fëmijë në Afrikë pasi lindi një vajzë dhe një djalë.

Një familje gjermane e cila prej vitesh ka thyer të gjitha rekordet sa i përket dekorimeve të shtëpisë për Krishtlindje, këtë vit ka shënuar një tjetër arritje të madhe. Susanne dhe Thomas Jeromin e kanë dekoruar shtëpinë e tyre me numrin më të madhe të pemëve të Krishtlindjes. Krishtlindja e gjen shtëpinë e tyre që ndodhet në perëndim të Hanoverit me 555 pemë Krishtlindjesh.

Një gjykatë ruse ka dënuar një burrë me 10 ditë burg pasi shkroi “Jo luftës” në borë. Dmitry Fyodorov u zbulua se e kishte shkruar shënimin në borë në hyrje të një sheshi patinazhi në parkun Gorky të Moskës.

Një pensioniste nga Zelanda e Re mori një sanduiç pule me vete në Australi por harroi t’i tregonte kontrollit kufitar se kishte mish. Australia është e njohur për rregullat e saj të rrepta të importit, të cilat kanë goditur shumë turistë. 77-vjeçarja pagoi një gjobë prej 3,050 dollarë australianë.

Në Atlanta, ndodhet një dyqan i quajtur “Unclaimed Baggage” që shet gjëra që kanë mbetur ose harruar në aeroport. Pronarit i erdhi në kokë ideja për këtë lloj biznesi më shumë se gjysmë shekulli më parë, madje sot ka një muze brenda dyqanit ku mbahen gjetjet më interesante.

Një burrë nga Koreja e Jugut është dënuar me një vit e dy muaj burg për shkrimin e një poezie në vitin 2016, duke lavdëruar Korenë e Veriut dhe duke shkelur një ligj që ndalon aksesin në faqet e internetit të Koresë së Veriut.

Një i pastrehë ka fituar 37 mijë euro në lotari, por nuk ka mundur t’i tërheqë paratë për shkak se ka dokumente të skaduara. Gianluigi, i njohur më mirë me pseudonimin e tij Cassano, nuk ishte në gjendje të tërhiqte paratë sepse nuk kishte kartë shëndetësore kurse libreza e tij kishte skaduar

Studiuesit në Universitetin Teknik të Mynihut kanë arritur të krijojnë një instrument lazer “ultra-preciz” për të matur shpejtësinë e rrotullimit të Tokës me saktësi të madhe. Matjet e reja tregojnë se planeti do të kalojë nga dita 24-orëshe në atë 25-orëshe. Por, kjo do të ndodhë pas 200 milionë vitesh

Një urith i artë që ‘noton’ në rërë është gjetur në Afrikën e Jugut, më shumë se 80 vjet pasi specia u cilësua si e zhdukur nga shkenca. Urithi i artë është e 11-ta nga speciet e humbura më të kërkuara në botë që është rizbuluar që kur nisma e Kërkimit për Speciet e Humbura e Global Wildlife Conservation ka nisur punën e saj në 2017.

Një fund peshqir i Balenciaga-s, kushton jo pak, por 925 dollarë. Vjen në ngjyrë gri apo bezhë, unisex, mund të vishet edhe nga meshkujt edhe nga gratë dhe vajzat, në përditshmëri apo mbrëmje gala. Balenciaga premton që ky është vetëm një nga shumë veshje të saj, pjesë e koleksionit të ri pranverë 2024.

Rrjeti i hoteleve “Hilton” ka nisur një fushatë të re për njerëzit ku thotë që këta të fundit të heqin dorë nga CV-të tradicionale kur aplikojnë për një pozicion pune dhe në vend të kësaj të postojnë një video në aplikacionin “TikTok”. Por sigurisht që nëse ata nuk janë aq mirë me krijimin e videove, mund të dërgojnë CV tradicionale.

Një aplikacion për smartphone do të jetë në gjendje të tregojë nëse jeni shumë i dehur për të ngarë makinën duke dëgjuar zërin tuaj. Sensorët në pajisjet inteligjente mund të ndihmojnë në përcaktimin e nivelit të alkoolit të një personi bazuar në ndryshimet në zërin e tyre.

Është kryer në Nju-Jork transplanti i parë i plotë i syrit të njeriut. Sipas mjekëve operacioni, i kryer gjashtë muaj më parë gjatë një transplanti të pjesshëm të fytyrës, duket se ka shkuar mirë. Operacioni për transplantin e pjesshëm të fytyrës dhe të gjithë syrit kërkoi ndihmën e 140 kirurgëve.

Shkencëtarët në Kinë kanë krijuar me qeliza staminale një majmun me sy dhe gishta të ndezur. Majmuni jetoi për 10 ditë përpara se të eutanizohej dhe u krijua me qeliza burimore nga dy embrione që vinin nga e njëjta specie majmuni. Majmuni i porsalindur kishte sy dhe gishta të gjelbër fluoreshentë dhe u krijua nga dy embrione majmuni gjenetikisht të ndryshëm.

Po afrojnë Krishtlindjet dhe një kompani ka ardhur me një ofertë super tunduese. Cable TV ka publikuar një reklamë duke kërkuar një person për të parë 25 filma Krishtlindjesh në 25 ditë. Kushdo që zgjidhet do të marrë një pagë prej 2500 dollarësh ose 2334 euro, si dhe abonime në shërbimet e transmetimit Netflix, Hulu, Disney+, Amazon Prime, Max, Apple TV+ dhe Hallmark Movies Now.

Një grua nigeriane ka vendosur rekordin botëror të Guinness duke realizuar paruken më të gjatë të punuar me dorë. Ajo quhet Helen Williams dhe ka krijuar paruken që shtrihet deri në 351.28 metra duke shpenzuar 11 ditë dhe 2,500 dollarë për të krijuar modelin e flokëve. Për këtë paruke u deshën 1000 tufa flokësh, 12 llak flokësh dhe 6250 kapëse flokësh.

Robert Maudsley, konsiderohet si i burgosuri më i rrezikshëm në botë. Ai ndodhet në një “kafaz” antiplumb që prej vitit 1979. Shtrati i Maudsley-t është prej betoni dhe dera është e fortë dhe hapet brenda qelisë. Kafazi është i rrethuar nga fletë të trasha akrilike dhe ka një vrimë të vogël në fund përmes së cilës gardianët i dorëzojnë ushqimet e tij.

Një incident i pazakontë është regjistruar në një fluturim të një avioni Boeing 747, që ishte nisur nga Nju Jorku për në Belgjikë. Piloti i avionit transportues është detyruar të bëjë ulje emergjente pasi një kalë ka arritur të dalë nga stalla e tij dhe të lëvizë lirshëm në bordin e Boeing 747.

Një liqen në Hawaii është kthyer në mënyrë misterioze në ngjyrë rozë të ndezur. Shkencëtarët thonë se për këtë nuancë të çuditshme mund të jetë ‘fajtor’ thatësira dhe paralajmërojnë se njerëzit nuk duhet të hyjnë kurrë në ujë apo ta pijnë atë. Liqeni, dikur i pasur me peshq, tani i ngjan një skene nga një përrallë apo film vizatimor dhe ndodhet në strehën kombëtare të kafshëve të egra të Pellgut Kealia.

LAJME

Virale në rrjet, prezantuesja e BBC bën gjestin e turpshëm gjatë edicionit të lajmeve!

Ky vend miraton ligjin që mbron të drejtën e gjelave që këndojnë në fshat...

Rikthehen pas 12 vitesh në Britani pandat gjigante Jang Guang dhe Tian Tian!

Top Albania Radio

Botë e Çuditshme

Hosts & DJs

LAJME

Shows