Një dramë nga Arian Krasniqi. Arditi akuzohet për një krim që refuzon ta pranojë. Dëshmitare ka edhe gruan e tij. Ëndrra nuk mbaron këtu. Arditi dhe Vesa kalojnë një natë të paharruar në fillet e njohjes së tyre, skenë që dëshmon pasionin e dy të dashuruarve dhe jetët e tyre monotone e jo të lumtura me partnerët e vërtetë. Një natë që zbulon mistere të jetës së tyre nga e kaluara, e tashmja, por edhe ëndrrat për të ardhmen...

Dita Ndërkombëtare e Tokës këtë vit vjen nën sloganin: “Jo të gjitha klasat kanë mure betoni, të mësojmë nga natyra”. Në kuadër të kësaj dite, Agjencia e Parqeve dhe Rekreacionit në bashkëpunim me fëmijët e shkollave të Tiranës do të organizojë mbjellje pemësh e lulesh në Parkun e Liqenit Artificial. Nëpërmjet aktivitetit jo vetëm ndihmojmë në shtimin e oksigjenit në planetin Tokë duke shtuar gjelbërim e rrjedhimisht ajër më të pastër për brezat që do të pasojnë por dhe çfarë është më e rëndësishme, edukojmë fëmijët për natyrën, burimet e përfitimet që ajo jep dhe kujdesin dhe respektin që duhet të tregojmë ndaj saj. Dita Ndërkombëtare e Tokës ofron një mundësi për të rritur ndërgjegjësimin global të publikut për sfidat e mirëqenies së planetit dhe të gjithë jetës që ajo mbështet.

Edukimi mjedisor dhe mbi të gjitha dashuria për natyrën, nuk duhet të limitohet thjesht me aksionet e herë pas hershme të pastrimit, por me përkushtim të përditshëm për të rritur qytetarë të përgjegjshëm e gjithmonë e më të informuar. Për këtë qëllim Agjencia e Parqeve dhe Rekreacionit në bashkëpunim me shkollën “Viktor Hygo” organizon orën e gjelbërt në park, këtë të enjte dhe të premte, ora 10:00 - 11:00 me nxënësit e klasës së katërt e të pestë.

Arena Kombëtare njohur si Stadiumi “Air Albania” është ndërtuar në vendin e ish Stadiumit “Qemal Stafa”. Ai ka një kapacitet prej 22.500 vendesh që e bën stadiumin më të madh në Shqipëri. Stadiumi “Air Albania” i projektuar nga Marco Casamonti i Studios “Archea Associati”, përfaqëson një strukturë me formë të veçantë shumëfaqëshe (tetë-këndor) në mënyrë që secila palë të lejojë hyrjen në pjesët e tjera të ndara. Në një cep të strukturës së stadiumit ndodhet një kullë e gjatë 112 metra (24 kate), e cila aktualisht është kulla më e lartë në Shqipëri.

Kjo godinë përfundoi në vitin 1938 me rastin e 10-vjetorit te Mbretërisë Shqiptare. Ajo është ndërtuar mbi themelet e një garnizoni ushtarak turk, në të cilën pas Pavarësisë, në 1912, u vendos gjimnazi shtetëror i Tiranës. Më pas, për shumë vjet ka qenë Qendër Kulturore e Ushtrisë deri në vitin 1970, ku në të u vendos Lidhja e Shkrimtarëve dhe Artistëve të Shqipërisë, kurse më vonë shërbeu si godina e Ministrisë së Kulturës, Turizmit, Rinisë dhe Sportit.

Ndërtesa e Bankës së Shqipërisë ndodhet në qendër të kryeqytetit, në pjesën perëndimore të sheshit “Skënderbej”. Ajo u projektua nga prof. Vittorio Ballio Morpurgo(1890-1966), një ndër arkitektët italianë më të njohur të asaj kohe. I gjithë holli rrethor është i stolisur nga një mozaik gjigant, një vepër arti në përmasa të mëdha, krijuar nga artisti italian, Giulio Rosso, në vitin 1939. Pas 77 vjetësh, në një datë të përzgjedhur simbolikisht, më 30 tetor 2015,  u përurua ndërtesa e ri konstruktuar e Bankës së Shqipërisë, e cila përkon dhe me hapjen për herë të parë të Muzeut të Bankës së Shqipërisë

Kjo ngrehinë është e lidhur ngushtë me dy ngjarje historike për Shqipërinë dhe Tiranën. Pas 500 vjet sundimi otoman, më 26 nëntor 1912, në sheshin përpara saj u ngrit flamuri i Pavarësisë për qytetin e Tiranës. Ky flamur u ngrit nga patriotët Abdi Toptani, Muhamer Pazari, Ibrahim Agalliu dhe Shefqet Ndroqi. Pas shpalljes së Tiranës kryeqytet, më 11 shkurt 1920, në këtë ndërtesë u vendos selia e qeverisë së përkohshme shqiptare, e cila doli nga Kongresi i Lushnjës. Në vitin 1945 në këtë ndërtesë u vendos Biblioteka Kombëtare e Shqipërisë sepse ishte një nga ndërtesat më të mira të kohës.