Fero prej kohësh tanimë ka pauzuar nga lançimi i projekteve të reja muzikore duke ju munguar kështu ndjekësve të tij besnikë. Megjithatë, para pak ditësh ai kërkoi ‘falje publike’ për këtë duke premtuar se do të rikthehet me një këngë, të cilës i zbuloi dhe titullin “Bella”. Jo vetëm kaq, por reperi kishte paralajmëruar dhe publikimin e një albumi, megjithatë gjërat duket se nuk kanë shkuar siç duhen.
Pak më parë, Fero ka habitur me veprimin e tij duke publikuar në Instastory një deklaratë që na konfuzoi paksa.
Anulohet albumi. Bella muzika e fundit e feros në gjuhën shqipe. shimi nimi të gjithë
Pra, albumi do të anulohet, por përse “Bella” është kënga e fundit e Feros në gjuhën shqipe? Mos ndoshta Fero po përgatitet të lançohet në tregun ndërkombëtar?
Nevoja për vëmendje nga të famshmit është diçka me të cilën jemi mësuar. Dyshja e njohur Arbenita-Fero shpesh janë cilësuar si një çift shumë ‘cool’ i showbiz-it tonë dhe nuk janë përfolur asnjëherë për krisje, megjithatë kur ata vendosën t’i bënin ‘unfollow’ njëri-tjetrit, portalet shpërthyen nga lajmet se mos ndoshta çifti janë ndarë.
Megjithatë, ndjekësit e dyshes mund të qetësohen pasi çifti janë më të lumtur se kurrë së bashku. Pak ditë më parë, Arbenita postoi një video në Instastory, teksa shfaqej në makinë me reperin.
Rikujtojmë se, Fero është përfolur shpesh për problemet e tij si sherret apo problemet me policinë. Së fundmi, ai ka pranuar fajësinë për armëmbajtje pa leje. Reperi u paraqit në Gjykatën Themelore në Prishtinë dhe pranoi fajësinë për veprën penale “Mbajtja në pronësi, kontroll ose posedim të paautorizuar të armëve”. Akuzat për Feron janë paraqitur që prej vitit 2018 pas një mosmarrëveshjeje në shkelje të ligjit të zbatueshëm lidhur me armët.
