Një grup turistësh britanik kanë shkaktuar panik në Turqi pasi kanë bërë një veprim aspak të zakonshëm. Ata kanë hedhur hirin e një të afërmi të tyre në ujërat e detit Marmara, i cili mund të shkaktoj rrezik për shëndetin e pushuesve. Autoritetet shëndetësore në Marmaras, në bregun jugor të Egjeut, filluan një hetim dhe morën mostra uji pas reagimit nga vendasit e shqetësuar.
Sipas Daily Mail notarët paralajmëruan se përhapja e hirit në ujërat pranë plazhit mund të rrezikojë shëndetin, duke nxitur një reagim urgjent nga Drejtoria Rajonale e Shëndetësisë së Qarkut. Grupi i turistëve thuhet se kishte udhëtuar me qëllimin për të hedhur hirin në plazhin Uzunyalı, një vend i preferuar i një anëtari të ndjerë të familjes që kishte humbur jetën në det.
Djegia e të vdekurit nuk është e ligjshme në Turqi. Megjithatë, kufizimet për shpërndarjen e hirit në Turqi kanë shkaktuar shqetësime të konsiderueshme për udhëtarët në të kaluarën. Turqia është një vend mysliman dhe përderisa është e lejueshme që jomyslimanët të varrosen në përputhje me praktikat e tyre të varrimit brenda vendit, djegia nuk lejohet sipas ligjit islamik.
