“Big Brother Vip” edhe këtë sezon ka mbërthyer ekranin para ekranit të Top Channel. Edhe ditën e sotme pritet një spektakël i gjatë, teksa më në fund do marrë përgjigje pyetja e madh: Ku është Egla dhe çfarë do ndodhë me të? Nga ana tjetër, në shtëpi ka mbërritur një Zarf i Zi që brenda ka vendimin e Vëllait të Madh, për Ilnisën dhe Meritonin. Çfarë dënimi do marrin ata?
‘Big Brother VIP Albania 3’ po del jashtë çdo parashikimi dhe po thyen çdo rekord audience. Gjatë spektaklit të mbrëmjes së sotme, është arritur shifra më e lartë e livestream në kanalin e Top Channel në Youtube.
Mbi 300 mijë ndjekës në kohë reale janë ‘gozhduar’ para ekranit, duke ndjekur shtëpinë me të famshme në Shqipëri, me debatet, surprizat, intrigat dhe të papriturat që sjell ky spektakël. Jo vetëm në Youtube, por edhe në Instagram është konfirmuar thyerja e të gjitha rekordeve të vendosura në Big Brother Vip.
Ky edicion i tretë flet për një sukses të padiskutueshëm teksa jemi ende larg finales, çka krijon premisën se fundi i këtij show televiziv do të shënojë rekorde të paarritshme në historinë televizive të mediave shqiptare.
