Klipet e David dhe Victoria Beckham po vërshojnë mediat sociale këtë javë me publikimin e dokumentarit “Beckham” të Netflix. Por, ndërsa sot firma e veshjeve me emër të Victoria-s është mjat vlerësuar në modë dhe David është një ikonë e stilit të shkëlqyeshëm, nuk ishte gjithmonë kështu. Kjo vetëm për një gjë. Kush mund të harrojë kur ata shkonin kudo me veshje të ngjashme?!
Rreth fundit të mijëvjeçarit, nuk mund të hapje një gazetë në Britani pa parë qasjen e koordinuar me ngjyra të Victoria-s dhe David-it ndaj asaj që ne tani e njohim si #couplegoals. Në një shfaqje të filmit kult “Withnail and I” në 2001, ata zgjodhën ngjyrën kafe nga koka te këmbët. Dy vjet më vonë, në MTV Movie Awards, ata shkuan për kostume të bardha të zbukuruara me aksesorë. Më pas, sigurisht, ishte dasma e çiftit në vitin 1999, ku ata u veshën me ngjyrë kremi, përpara se të ndryshonin ngjyrën vjollcë për të prerë tortën e tyre.
View this post on Instagram
Por, vetëm disa javë më parë, kishte pasur një moment edhe më ikonik. Ishte kulmi i kur çifti doli i veshur me lëkurë nga koka te këmbët në një festë të Versace në Londër. Victoria ishte gati të fillonte regjistrimin e një albumi të tretë të Spice Girls dhe David sapo kishte ndihmuar Manchester United të fitonte kampionatet angleze dhe evropiane. Djali i tyre i parë, Brooklyn, lindi rishtazi dhe çifti së fundmi kishte blerë një rezidencë komode familjare të quajtur “Beckingham Palace” nga media.
Obsesioni i Mbretërisë së Bashkuar me modën e Beckham-ëve mund të jetë nxitur pjesërisht nga idea e ekstravagancës së re, por publiciteti i shërbeu kauzës së tyre. Edhe veshjet më të diskutueshme kontribuan në një nga histroitë më të suksesshme të krijimit të markës së argëtimit modern.
