Kanye West thuhet se do të zëvendësojë Virgil Abloh si drejtor kreativ i Louis Vuitton. Para rolit të tij në Louis Vuitton, Abloh dhe West ishin bashkëpunëtorë prej një kohe të gjatë. Dyshja shërbyen si praktikantë në markën luksoze italiane Fendi, në vitin 2009, duke shënuar fillimin e miqësisë së tyre prej dekadash.
“The Sun” raporton se dyshja i kanë krijuar së bashku sukseset e tyre në industrinë kreative, duke e cilësuar më vonë Abloh si një nga stilistët më kreativë të kësaj gjenerate. Në vitin 2010, Abloh u bë drejtor artistik i kompanisë së West, Donda, duke i kthyer në realitet të gjitha idetë e reperit. Abloh gjithashtu ka punuar me Ye dhe JAY-Z për albumin “Watch the Throne”. Një burim i tha “The Sun” se:
Kanye është i dëshpëruar për vdekjen e Virgil, sepse ata kishin qenë miq për vite dhe punonin shumë së bashku. Ata ndanë një vizion të ngjashëm dhe tani Kanye ndjen se i detyrohet Virgil të vazhdojë punën e tij në Louis Vuitton.
Me historinë e Ye dhe Abloh, nuk është për t’u habitur që reperi ndihet në këtë mënyrë. Përveç të qenit bashkëpunëtor afatgjatë i West, Abloh drejtoi dizajnet e tij dhe vizionin artistik me lançimin e markës së tij “Off-White” në 2013. Në vitin 2018, Abloh u bë drejtori i parë kreativ amerikan me ngjyrë që mori rolin në një shtëpi luksoze franceze të modës kur u emërua në rolin e udhëheqësit në Louis Vuitton.
Historia e West me shtëpinë e modës Louis Vuitton e kthen industrinë pas një dekade më parë, kur ai bashkëpunoi me ta në një linjë atletesh shumë të suksesshme. Atletet, të cilat fillimisht shiteshin me pakicë për 1,100 dollarë në vitin 2009, tani vlejnë mbi 30,000 dollarë. Që atëherë, Ye ka bërë bujë edhe në industrinë e modës me lançimin e labelit të tij “Yeezy” në 2015. Mbetet për t’u parë nëse ky thashetheme do të rezultojë si i vërtetë.
