Big Brother Vip Albania është një fenomen social që mbërthen fort jo vetëm vëmendjen por edhe debatin publik. Prej datës 13 Janar në Top Channel ka nisur edicioni i tretë i “Big Brother VIP 3”. Një reality show, i cili që në natën e parë të spektaklit arriti të gozhdonte para ekranit teleshikuesit dhe rezultoi të ishte mjaft i suksesshëm. Për efektet e këtij formati të gjithë kanë diçka për të thënë, si ata që e shijojnë e argëtohen, por edhe ata që janë kundër.
Janë mbushur plot 126 ditë nga nisja e spektaklit të “Big Brother Vip” dhe mbeten vetëm pak nga finalja e madhe. Pas një rrugëtimi me plot emocione, të papritura, debate dhe ndodhi, dy banorë janë shpallur finalistë, por 4 të tjerë presin të mësojnë nëse do kenë mundësi të garojnë për çmimin e madh deri në fund.
Egla, Heidi, Meritoni apo Françeska, cili prej tyre do qëndrojë në shtëpi deri më 25 maj? A do të jenë 4, 5 apo 6 finalistë?
Për të gjitha përgjigjet, ndiqni spektaklin e sotëm në transmetimet e Top Channel, në dy kanalet e dedikuara të DigitAlb, “Big Brother VIP 1” dhe “Big Brother VIP 2” si dhe në kanalin e YouTube.
