Numri i vdekjeve të shkaktuara nga fotot ‘selfie’ ka tejkaluar numrin e sulmeve fatale të peshkaqenëve, sipas studimit të fundit të publikuar në revistën “Travel Medicine”. Në 13 vitet e fundit janë regjistruar 379 vdekje të lidhura me ‘selfie’, nga të cilat 140 me turistë, ndërsa janë regjistruar 90 takime fatale me peshkaqenë. Mesatarisht, viktimat ishin 24 vjeç dhe India, Shtetet e Bashkuara dhe Rusia kanë numrin më të madh të vdekjeve të tilla.
Njerëzit thuhet se po rrezikojnë jetën e tyre për një ‘selfie’ të përsosur, duke çuar në rrëzime fatale në shkëmb, aksidente me automjete dhe trena, takime të rrezikshme me kafshë të egra dhe mbytje. Autoritetet po ndërmarrin veprime, duke vendosur gjoba dhe madje edhe dënime me burg për sjellje të pamatur të lidhura me ‘selfie-t’.
Studimi tregoi gjithashtu se në rastet e mëparshme fatale, gratë vriteshin më shpesh kur binin ose takoheshin me kafshë, ndërsa burrat vdisnin kryesisht në aksidente trafiku. Sa më shumë të ndani lidhjen tuaj në internet, aq më pak të lumtur jeni si çift sipas një studimi të ri. Çiftet që postojnë tre ose më shumë selfie në rrjetet sociale në javë janë mesatarisht 128 për qind më të pakënaqur se ata që nuk flasin kurrë për marrëdhëniet e tyre në internet.
Në një sondazh, çifteve iu kërkua të vlerësonin lumturinë e përgjithshme në marrëdhënien e tyre. Ata u pyetën për lumturinë e përgjithshme, intimitetin, komunikimin dhe besimin, si dhe sa shpesh postojnë për marrëdhënien e tyre në mediat sociale. Rezultatet tregojnë se vetëm 10 për qind e çifteve që postojnë rregullisht përditësime në rrjetet sociale e vlerësojnë veten si ‘shumë të lumtur’.
