Dua Lipa ka kaluar një vit 2023 të jashtëzakonshëm pasi u nominua për dy çmime “Grammy” duke përfshirë këngën e vitit për “Dance The Night. Teksa ka pak muaj që jemi në vitin 2024 këngëtarja vazhdon të jetë në qëndër të vëmendjes nga mediat botërore qoftë për këngët, postimet apo reklamat që bën ylli botëror. Që nga viti 2019, Dua Lipa ka kryesuar ekskluzivitetin “Libre” si ambasadore e markës globale të “YSL Beauty” dhe së fundmi ajo do të jetë dhe “Ambasador Globale e Grimit“ për YSL Beauty. Një lidere dhe një ikonë për brezat e ardhshëm, Dua sjell ndikimin e saj të fuqishëm në “YSL Beauty”, duke punuar me markën për të thyer kufijtë e bukurisë në emër të vetëshprehjes së guximshme dhe lirisë. “Për mua, aromat dhe grimi janë një formë tjetër e vetëshprehjes, një mënyrë për të eksploruar lojën time, kreativitetin dhe individualitetin tim. Jam e emocionuar që jam në këtë rrugëtim si pjesë e familjes “YSL Beauty”.” – Ambasadorja e re Globale e Grimit, Dua Lipa.
Për YSL Beauty, çdo vështrim dhe çdo moment është një deklaratë e vetvetes. Askush nuk ka ndikuar në brezin e tyre më shumë se Dua Lipa, e cila e zotëron dukjen e saj në mënyrë të pafalshme, duke ngjallur një ndjenjë lirie në shpirtin e saj të grimit që ndihet në mbarë botën. “Dua Lipa sjell një energji elektrizuese në markën tonë, duke frymëzuar gratë që jo vetëm të vendosin grim, por të tregojnë se kush janë dhe çfarë përfaqësojnë. Ndikimi i saj është një festë e individualitetit, një deklaratë fuqizimi, duke i inkurajuar të gjithë të përqafojnë me besim bukurinë e tyre unike.” – Stephan Bezy, Menaxher i Përgjithshëm Ndërkombëtar, YSL Beauty.
