![](https://www.topalbaniaradio.com/v7/wp-content/uploads/2024/04/albanian-2-1.png)
Kjo javë e klasifikimit të “Albanian’s Hot Top 30” vjen mjaft fuqishëm, ku në hyrjet e reja mbizotërojnë bashkëpunimet midis artistëve më të njohur. Algert Sala dhe Sonja Likaj vijnë me “Hedh pas”, një këngë dedikuar ndenjave të dashurisë. Një projekt mjaft interesant vjen mes Gran Error dhe Elvana Gjata, ku këngëtarja shqiptare ka ndryshuar totalisht paraqitje dhe këndon në gjuhën angleze dhe spanjolle. Ish-fituesi i BBV2, Luiz Ejlli, vjen në një bashkëpunim me Geasy, titulluar “Ding Ding “. Ndërsa Samanta dhe Muma sjellin një projekt mjaft ritmik, titulluar “Valla”.
Përsa i përket projekteve solo, le të themi që ka pasur mjaft prurje kjo javë. Sheila vjen me “Enderr”, një këngë mjaft ritmike, e cila i dedikohet dashurisë. Era Istrefi, pas një shkëputje të gjatë nga muzika, vjen këtë herë me këngën “Më Humbe”. Marsela Çibukaj ka realizuar një tjetër këngë nga albumi i saj i ri dhe titullohet “As engjëll as dreq”. Ndërsa grupi i mirënjohur Elita 5 i mbetet besnik stilit të tij unik dhe na ka dhuruar një projekt tjetër fantastik, titulluar “Natën e mirë”.
Powered by The Top List © / Top Awards