Kjo javë e klasifikimit të “Albanian’s Hot Top 30” vjen mjaft fuqishëm, ku në hyrjet e reja mbizotërojnë bashkëpunimet midis artistëve më të njohur. Sardi dhe Arnon vijnë me “Me Pas Mujt”, një këngë dedikuar ndenjave të dashurisë. Një tjetër projekt realizuar nga banorët e edicionit të tretë të “Big Brother VIP Albania” është publikuar, ku marrin pjesë Vesa Smolica, Romeo Veshaj dhe Ervin Gonxhi, titulluar “Me Prit”. Ndërsa David Dreshaj dhe Skerdi sjellin një projekt mjaft ritmik, titulluar “Sonte”.
Përsa i përket projekteve solo, le të themi që janë pak më të shumta në numër. Yll Limani vjen me “Merri krejt”, një këngë e cila momnetalisht është bërë mjaft virale në rrjete sociale. La Fazani, pas publikimit të projekteve që kanë qenë edhe më parë në Top Awards, vjen këtë herë me këngën “Histori”. Vedat Ademi ka realizuar një këngë që në pamje të parë i dedikohet personit të zemrës së tij dhe titullohet “Maria”. Butrint Imeri ka hapur sezonin veror me një projekt mjaft ritmik dhe energjik, i cili titullohet “Psikopat”. Ndërsa Elai i mbetet besnik stilit të tij unik dhe na ka dhuruar një projekt tjetër fantastik, titulluar “Ghetto”.
Powered by The Top List © / Top Awards
