Për shkak të reshjeve të dendura që kanë përfshirë vendin, në disa zona urbane, si edhe në të tjera akse rrugore kombetare, konstatohet rritje e nivelit të ujit në rrugë e për rrjedhojë ka vështirësi në qarkullimin e mjeteve. Policia Rrugore jep detaje për zonat më me vështirësi.
Zonat më problematike:
• Shkodra, rrugët urbane dhe interurbane lidhëse me zonat e tjera. Ka vështirësi në lëvizje për shkak të reshjeve dhe mjegullës në zonat malore.
• Kukësi, në rrugët interurbane e në autostradë ka vështirësi në lëvizje për shkak të reshjeve dhe mjegullës në disa zona malore.
• Lezha, rrugët urbane dhe interurbane lidhëse me zonat e tjera. Me vështirësi në lëvizje për shkak të rrëshqitjeve të dherave, paraqitet aksi rrugor Skuraj-Burrel, në afërsi të Shkopetit, ku po punohet për pastrimin e plotë të rrugës.
• Fushë Kruja në zonën urbane dhe rruget lidhëse interurbane.
• Tirana, në të gjitha rrugët urbane dhe ato interurbane. Vështirësi qarkullimi dhe trafik shumë i rënduar për shkak të reshjeve të shiut. Këshillohet shmangia e lëvizjeve të panevojshme me mjete rrugore.
• Durrësi, rrugët urbane dhe interurbane lidhëse me Tiranën e pjesën tjetër jugore.
• Elbasani, zona urbane dhe rrugët interurbane lidhëse.
Shërbimet e Policisë Rrugore janë në terren duke patrulluar për të parandaluar aksidentet rrugore dhe bllokimet e rrugëve, si pasojë e reshjeve të shiut.
Për drejtuesit e mjeteve, ka edhe një thirrje për kujdes:
Apelojmë për kujdes të shtuar nga drejtuesit e mjeteve që qarkullojnë në zonat problematike, si dhe shmangien e lëvizjeve të panevojshme me mjete rrugore në zonat problematike.