“Shpesh një person nuk mjafton për të pasur një marrëdhënie perfekte. Nuk njoh askënd, përfshirë edhe veten time, që nuk ka pësuar tradhti apo që nuk ka mashtruar”. Kështu u shpreh prezantuesja dhe aktorja e njohur italiane Paola Barale, e cila aktualisht ndodhet në teatër me komedinë “Tris di cuori”, ku luan rolin e një shkrimtareje të ndarë mes dy dashurive.
Unë nuk i kuptoj ata që martohen dhe thonë “martesa është fundi i marrëdhënies”. Nuk është një dënim. Një marrëdhënie duhet të jetë një vlerë e shtuar, duhet të të mësojë diçka, duhet të ketë një shkëmbim, një krahasim, jo një përplasje. Kërkon shumë, shumë përpjekje. Nuk mund të presësh që të shkojë përpara vetëm.
Paola vijon:
Në mendjen time vetëm ajo e prindërve të mi më duket një marrëdhënie e shkëlqyer. Ata kanë 60 vite martesë. Unë nuk i kam parë kurrë më parë të grinden. Ata gjithmonë e kanë respektuar njëri-tjetrin, por ta pranojmë se kanë jetuar në një epokë tjetër. Sot gjërat kanë ndryshuar. Për një marrëdhënie perfektë është më mirë të kesh dy burra.
