Aeroplani i parë plotësisht elektrik i NASA-s, X-57 Maxwell, po përgatitet për fluturim pasi kontrollorët e tij të motorit të lundrimit kaluan me sukses testimin kritik. Projekti X-57 është pjesë e përpjekjeve të hershme të NASA-s për të zhvilluar zgjidhje të qëndrueshme të aviacionit si aeroplani i parë elektrik tërësisht eksperimental i agjencisë.
Aeroplani plotësisht elektrik është zhvilluar prej disa vitesh dhe më në fund është gati të fluturojë. Në dhjetor, 2017, inxhinierët e NASA-s testuan me sukses sistemin e baterisë X-57, duke vërtetuar se kishte kapacitetin e kërkuar për të fuqizuar në mënyrë të sigurt një profil të tërë fluturimi.
Pas disa konfigurimeve, X-57, në formën e tij përfundimtare, përmban dy motorë elektrikë më të mëdhenj lundrimi (60 kW) dhe 12 motorë elektrikë më të vegjël me ngritje të lartë (10.5 kW) përgjatë skajit të përparmë të krahëve. Motorët elektronikë janë krijuar posaçërisht për të gjeneruar energji të mjaftueshme për t’u ngritur me shpejtësi standarde Tecnam P20006T.
Për ta transportuar aeroplanin X-57 në ajër, aktivizohen motorët dhe shtytësit me ngritje të lartë, së bashku me motorët e lundrimit me majë të krahut. Pasi aeroplani të nivelizohet për në lundrim, motorët e ngritjes së lartë reagojnë dhe pesë tehe të helikës nga secili motor do të ndalojnë rrotullimin dhe do të palosen për të shmangur zvarritjen. Industria e aviacionit çliron më shumë se 900 milionë ton CO2 (dioksidin e kardonit) çdo vit, rreth 3% e të gjitha emetimeve të karbonit të shkaktuara nga njeriu përmes aktiviteteve të tij.
Ndikimi negativ në planet pritet të rritet me rritjen e numrit të pasagjerëve, si rezultat edhe numrit të udhëtimeve. Një nga rrugët që po eksplorohet për të ulur gazrat serë është krijimi i aeroplanëve elektrikë. Në këtë drejtim, vlerësohet se elektrifikimi i avionëve që do të përdoreshin për udhëtime mund të jetë ende shumë larg, por vitet e fundit ka pasur përparim të rëndësishëm në udhëtimet me distanca të shkurtra.
