Asnjë marrëdhënie nuk është perfekte dhe asnjë partner nuk është i përsosur. Nëse keni qenë me dikë mjaftueshëm gjatë, patjetër që do të keni bërë gabime në marrëdhënie, ashtu si edhe ata. Gjëja e rëndësishme është që të angazhoheni në mënyrë aktive për të mbajtur gjallë shkëndijën. Thënë kjo, ekzistojnë disa mënyra shumë të thjeshta dhe efikase, që do t’ju ndihmojnë të lidheni më shumë në çift dhe do të ri-dashuroheni sërish me njëri-tjetrin…
1. Eksperimentoni me marrjen e pushimit nga njëri-tjetri
Kjo mund të tingëllojë kundërintuitive, por ndarja e kohës nga partneri mund të jetë një mënyrë efektive për të rindezur romancën. Ashtu siç sugjeron hulumtimi se marrja e pushimeve të rregullta nga puna mund të ketë përfitime të qëndrueshme në shëndetin tuaj mendor, koha e zgjatur me veten mund t’ju ndihmojë gjithashtu t’i ktheheni martesës ose marrëdhënies suaj afatgjatë me më shumë energji.
2. Provoni spontanitetin
Lidhjet e gjata mund të vuajnë kur njëri ose të dy partnerët kalojnë në ‘modalitetin e pilotimit automatik’. Duhet të ketë një shkëndijë për të mbajtur gjallë risinë. Elementet e shkëndijës mund të jenë të mëdha: “le të hipim në makinë dhe të gjejmë një vend për të kaluar fundjavën”, ose të vegjël: një dreke surprizë në mes të një dite plot ngarkesë. Ato mund të jenë edhe mikro-veprime, si një mesazh me tekst më të veçantë se zakonisht. Çështja është që t’i tregoni partnerit se kujdeseni për të dhe marrëdhënien dhe se nuk keni frikë të dilni nga kornizat për t’i bërë ata të buzëqeshin.
