Ermal Meta duket se po shijon pushimet në Shqipëri me familjaret dhe miqtë e tij. Mbrëmjen e të martës nga Tirana ka bërë homazh një prej këngëtarëve më të dashur për shqiptarët, Toto Cutugno, i cili u nda nga jeta në moshën 80 vjeçare.
Këngëtari i është bashkuar një grupi muzikor në një nga restorantet ku po darkonte dhe ka kënduar me ta këngën hit “L’italiano”. Në një postim në rrjetet e tij sociale, Ermal Meta shkruan:
Mbrëmë në darkë me familjen dhe disa miq të mi ishim në një restorant tipik shqiptar në Tiranë. Ishte aty një bandë e vogël muzikore që luante. Më kërkuan që të këndoja dhe të gjithë bashkë i bëmë homazh një prej muzikantëve më të mëdhenj italianë që u nda nga jeta. Pushofsh në paqe Toto, të kemi dashur të gjithë shumë, në të dy anët e Adriatikut.
Ieri sera, con la mia famiglia e degli amici, siamo andati a mangiare in questo tipico ristorante albanese a Tirana. C’era una piccola banda della città che suonava. Mi hanno chiesto di cantare qualcosa e tutti insieme abbiamo reso omaggio ad uno dei più grandi musicisti italiani… pic.twitter.com/4DD8aNg341
— Ermal Meta (@MetaErmal) August 23, 2023