Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Celebrities Music Showbiz

Ermal Meta sapo na bëri krenarë me një tjetër sukses të tijin!

Pas suksesit në edicionin e 71-të të Festivalit të Sanremos, ku doli në vendin e tretë me këngën “Un milione di cose da dirti”, Ermal Meta duket se ka shënuar edhe një tjetër arritje, e cila na bëri edhe njëherë tjetër krenarë.

Këngëtari shqiptar do performojë në ceremoninë e hapjes së Kampionatit Europian dhe do të ngjitet i pari në skenën e improvizuar në fushën e “Olimpico”-s. Ai do të këndojë këngën “Uno”, e cila është pjesë e albumit të ri “Tribu Urbana” dhe u publikua disa muaj më parë.

Po ashtu, në skenë do ngjitet edhe Andrea Bocelli që do të interpretojë “Nessun Dorma”, i shoqëruar nga një koreografi e jashtëzakonshme, ku do të përfshihen dhe “Frecce Tricolori”, avionët që do të lëshojnë në qiell 3 ngjyrat e flamurit italian të cilat do të mbulojnë gjithë stadiumin.

Ceremonia zyrtare do të mbahet ditën e sotme në orën 19:00 kurse ndeshja hapëse në “Euro 2020” do të jetë mes Turqisë dhe Italisë në “Olimpico” në Romë.