Princi Andrew është në qendër të vëmendjes për një film të ardhshëm të Netflix. I quajtur “Scoop”, filmi është një dramatizim i intervistës famëkeqe të Andrew në muajin nëntor të vitit 2019 në BBC për lidhjet e tij me Jeffrey Epstein, i cili u nda nga jeta në gusht të po atij viti nga një vetëvrasje.
Gillian Anderson e “The X-Files” do të luajë rolin si spikeren e “Newsnight” Emily Maitlis, ndërsa Rufus Sewell do të luajë Andrew. Netflix në mediat sociale kur publikoi trailerin shkroi se:
Për të marrë një intervistë kaq të madhe, duhet të jesh i guximshëm.
Në trailer, Maitlis shfaqet në xhirime me producentin e saj Sam McAlister (luajtur nga Billie Piper i “Doctor Who”). Andrew ecën jashtë Pallatit Buckingham dhe një zë thotë:
Kjo është historia, e vetmja histori. E dua për ne.
Keeley Hawes gjithashtu shfaqet në “Scoop” si Amanda Thirsk, sekretarja private e Andrew në atë kohë. Në intervistën tashmë famëkeqe, Andrew foli për pretendimet se ai kishte marrëdhënie seksuale me Virginia Roberts (tani Virginia Giuffre) kur ajo ishte 17 vjeç.
Ai tha se nuk mbante mend të kishte takuar ndonjëherë Giuffre. Kur Maitlis solli një foto të Andrew me krahun e tij rreth Giuffre, ai u shpreh:
Unë absolutisht nuk mbaj mend të jem fotografuar me të.
Menjëherë pas bisedës, Andrew lëshoi një deklaratë duke njoftuar vendimin e tij për tu “tërhequr nga detyrat publike”. Në janar të vitit 2022, një ditë pasi një gjykatës i Manhattan-it lejoi që padia për sulm seksual të Giuffre kundër tij të ecë përpara, mbretëresha Elizabeth i hoqi djalit të saj titujt ushtarakë dhe mbretërorë.
