Ngjarja e pakëndshme e ndodhur në ceremoninë e “Oscar” mes aktorit Will Smith dhe komedianit Chris Rock u bë menjëherë virale dhe ishte aktorja e njohur Nicole Kidman e cila me reagimin e saj u bë meme në rrjetet sociale. Një foto e 54-vjeçares që dukej e tronditur në shfaqjen e çmimeve u bë shpejt virale në Twitter, me fansat që komentuan se reagimi i saj ishte universal. Dikush shkroi se:
Nicole Kidman duhet të fitojë Oscar-in për reagimin më të mirë ndaj Will Smith që godet me shuplakë Chris Rock.
Pas incidentit befasues, #whatjusthappened’ filloi të bëhet trend në Twitter, me një person që komentoi:
Të gjithë ishim Nicole Kidman në atë moment.
Nicole Kidman reacting to the Chris Rock and Will Smith incident at the #Oscars . A NEW MEME IS BORN.😭😭😭😭 pic.twitter.com/X19AE19OUv
— ⋆ (@eternalcaution) March 28, 2022
Por e vërteta mesa duket nuk qëndron kështu. Ai që u konsiderua si reagim i Nicole Kidman ndaj shuplakës që Will Smith rezulton se në të vërtetë, fotografia është shkrepur para se të fillonte transmetimi i ‘Oscars 2022’. Kidman u fotografua e ulur me fustanin e saj Armani dhe shprehja e fytyrës së saj, u pretendua se ishte rezultat i shuplakës së kolegut, por ndërkohë duket se fotoja është shkrepur rreth orës 16:30 pasdite, ndërkohë që të ftuarit ishin ende në vendet e tyre plot tre orë para incidentit.
Mendohet se ai ka qenë momenti që ‘Oscars’ prezantoi 8 çmime në kategori të tilla si montazhi i filmit, zëri, grimi dhe stilimi i flokëve, etj. Shprehja e habitur e fytyrës së Kidman me shumë gjasa për një prej atyre fituesve u bë një meme virale dhe u nxorr nga konteksti. Ndërkaq së fundmi po thuhet se fansat e “Oscars” janë të bindur se momenti kur aktori Will Smith goditi me shuplakë komedianin Chris Rock për një shaka që ai bëri për flokët e gruas së Will, Jada Pinkett Smith ishte totalisht e inskenuar.