Gazetarët sportivë zgjodhën sportistët më të mirë francez të vitit 2022 si pjesë e çmimit të UGSF. Çmimi u hodh për herë të parë dhe në votim morën pjesë 3000 anëtarë të Unionit të Gazetarëve Sportiv të Francës. Në mesin e meshkujve, Karim Benzema u njoh si atleti më i mirë i vitit, i cili fitoi La Ligën dhe Champions League me Real Madrid dhe gjithashtu u bë “pronar” i Topit të Artë 2022.
![](https://img.lemde.fr/2022/10/17/52/0/4282/2141/768/384/75/0/1a6de83_1666000793283-gettyimages-1239941900.jpg)
Sulmuesi i PSG -së dhe Francës, Kylian Mbappé përfundoi i dyti. Te femrat vendin e parë e zuri tenistja Caroline Garcia, ndërsa e dyta u shpall çiklistja Pauline Ferran-Prevost.
![](https://assets.tennismajors.com/app/uploads/2022/12/08095838/Caroline_Garcia_WTA-1296x675.jpg)
Rikujtojmë, se Karim Benzema i dha fund karrierës me përfaqësuesen e Francës. Nëpërmjet një postimi të shkurtër në Twitter, në ditëlindje e tij të 35-të pa u mbushur 24 orë nga finalja e Kupës së Botës “Katar 2022”, sulmuesi i Realit të Madridit e mbylli historinë e tij me “Les Bleus”. “Kam bërë përpjekjet dhe gabimet e nevojshme për të qenë këtu ku jam sot dhe jam krenar për këtë!
![](https://abcnews.al/wp-content/uploads/2023/01/karim-benzema-balon-oro-real-madrid-francia-5.jpg)
Unë kam shkruar historinë time dhe e jona po mbaron,”-shkruajti Benzema mbi një foto të tijën me fanellën e “Gjelave”. Benzema është aktivizuar në 97 ndeshje me “Gjelat” dhe ka shënuar 37 gola. Suksesi i vetëm i tij me Kombëtaren u shënua në Nation League 2020-2021. Gjithashtu është aktivizuar edhe me moshat e Francës, duke fituar Kampionatin Europian U-17 në vitin 2004.
![](https://s3.eu-central-1.amazonaws.com/static.bold.dk/picture/670x440/sp170686.jpg)
Benzema u shpall fajtor për shantazh seksual ndaj një futbollisti tjetër francez rreth një viti më parë. Sipas BBC-së, një gjykatës dënoi Benzema-në me një vit burg me kusht dhe e urdhëroi atë të paguajë një gjobë prej 75 mijë eurosh. Skandali tronditi komunitetin e futbollit në Francë dhe të dy lojtarët humbën vendet e tyre në Kombëtare. Rasti daton qershorin e vitit 2015, kur që të dy futbollistët ndodheshin në një kamp stërvitor francez.