Ylli televiziv Kim Kardashian së fundmi ka zbuluar një kërkesë të saj të çuditshme kur vjen puna te kafja. Miliarderja ka zbuluar se e urren kur dëgjon tingullin që bën kartoni në filxhanin e kafes. E keni parasysh kartonin që vendosin kompanitë e kafes te filxhani për të mbrojtur konsumatorët nga pija e nxehtë, në formën e shiritit?
Pikërisht momenti kur hiqet ky karton për Kim Kardashian është i padurueshëm. “Po është e vërtetë. E urrej ndjesinë dhe tingullin”-tha Kardashian, duke shtuar se kushdo që është me të e ndihmon që të heqë kartonin ndërsa ajo nuk shikon. “Nuk mund ta shoh që po ndodh dhe nuk mund ta dëgjoj. Ky tingull është për mua si tingulli i thonjve në një dërrasë të zezë për të tjerët”-shtoi Kim.
Së fundmi është publikuar trailer-i i pjesës së dytë të “American Horror Story: Delicate”, ku shfaqet një puthje pasionante mes Kim dhe Emma Roberts. Sezoni aktual i programit të antologjisë horror u nda në dy pjesë, ndërsa pjesa e parë u transmetua në fund të vitit të kaluar. Pavarësisht se mori vëmendje me kastin e aktorëve, Kim arriti të impresiononte shikuesit me portretizimin e saj.
Në trailerin e serisë së ardhshme të episodeve, të cilat do të shfaqen premierë në FX më 3 prill, marrëdhënia e tyre kaloi në një stad tjetër. “Unë do t’ju jap jetën e ëndrrave tuaja. Çfarë do të hiqnit dorë për të?”-e ngacmoi Siobhan bashkë-yllin e saj, ku thjesht përgjigjet: “Çdo gjë”.
Me këtë, ajo ia vodhi një puthje pasionante në buzë, që edhe u bë virale gjithandej. “Nuk mund të vazhdoj fushatën për këtë çmim, nuk mundem”,-qau ajo gjatë darkës. Fatmirësisht, nuk duhet shumë të presim ndërsa episodet e reja në të cilat gjithashtu luajnë Cara Delevingne dhe Michaela Jae Rodriguez transmetohen muajin e ardhshëm.