“Big Brother Vip Albania” është spektakli më i ndjekur në Shqipëri, ku banorët transmetojnë shumë emocione të forta teksa rrëfejnë historitë e tyre apo edhe gjatë përditshmërisë, konflikteve dhe raporteve me njëri-tjetrin.
![](https://www.topalbaniaradio.com/v7/wp-content/uploads/2023/03/WhatsApp-Image-2023-03-28-at-18.37.04-1.jpeg)
Ai është një show televiziv që zhvillohet tërësisht brenda kufijve të një shtëpie, krijuar posaçërisht për personat e famshëm që bëhen pjesë të këtij programi, duke u cilësuar me titullin banorë.
![](https://www.topalbaniaradio.com/v7/wp-content/uploads/2023/03/WhatsApp-Image-2023-03-28-at-18.37.04-1-1.jpeg)
Është një garë e pastër midis banorëve, qëllimi i së cilës është të ketë një fitues. Të paktën një banor eleminohet çdo javë me anë të një procesi votimi, ku vendimin e merr publiku ose në rastet kur prish rregullat e lojës.
![](https://www.topalbaniaradio.com/v7/wp-content/uploads/2023/03/WhatsApp-Image-2023-03-28-at-18.37.02.jpeg)
Që nga data e nisjes dhe deri më tani polemikat që krijohen nga banorët e “BBV” kanë transmetuar emocione të forta, ku secili banor me historitë dhe personalitetin e tij, është kthyer në protagonist të përditshmërisë sonë, duke na tërhequr edhe me raportet që krijojnë me njëri-tjetrin, por edhe me konfliktet që mbizotërojnë brenda në shtëpi.
![](https://www.topalbaniaradio.com/v7/wp-content/uploads/2023/03/WhatsApp-Image-2023-03-28-at-18.37.01.jpeg)
Ngjarjet e krijuara në shtëpinë e Big Brother Vip Albania janë në qendër të vëmendjes. Dhe padyshim që këto ngjarje janë fuqizuar edhe nga banorët e rinj, të cilët janë futur gjatë javëve të fundit në shtëpinë më të famshme në Shqipëri.
![](https://www.topalbaniaradio.com/v7/wp-content/uploads/2023/03/WhatsApp-Image-2023-03-28-at-18.37.03.jpeg)
Ndërkohë, veç nominimeve dhe strategjive të ndryshme, banorët na kanë dhuruar shumë çaste të ëmbla apo edhe gazmore, teksa janë puthur sepse kanë qenë të dashuruar, kanë aktruar apo për lojë.
![](https://www.topalbaniaradio.com/v7/wp-content/uploads/2023/03/WhatsApp-Image-2023-03-28-at-18.37.01-1.jpeg)
Luizi është puthur me Kiarën, Dea Mishel me Amos, Keisi me Kristin, Tea me Dea Mishel, Luizi me Oltën, Sabiani me Qetsorin dhe Olta me Dea Mishel.
![](https://www.topalbaniaradio.com/v7/wp-content/uploads/2023/03/WhatsApp-Image-2023-03-28-at-18.37.02-1.jpeg)