Shefi i kuzhinës James Martin për ata që nuk e dinë zotëron një koleksion mbresëlënës të makinave që kapin vlerën e 6 milionë eurove. Kuzhinieri 51 vjeçar i njohur si personazh televiziv i shfaqjeve me gatime, ka krijuar një koleksion të madh makinash përgjatë viteve duke filluar nga një Ferrari klasik deri te modeli legjendar Colin McRae.
![](https://telegrafi.com/wp-content/uploads/2024/03/Screenshot_10-22-780x439.png)
Makinat mbahen në një garazh në shtëpinë e tij në Hampshire dhe përfshijnë një Mini Cooper, Ferrari 275 GTS, Shelby GT500, Ford GT40, Ford Escort Mk I, Subaru Impreza, Citroen 2CV, Mercedes-Benz 380SL, Bentley Drophead, Toyota Hilux dhe një BMW 760 Li. Si adhurues i madh i automjeteve, James duket se një numër të madh të modeleve më të mira i ka në shtëpinë e tij.
![](https://i2-prod.dailyrecord.co.uk/incoming/article5606599.ece/ALTERNATES/s615/Cameron-House.jpg)
Por, një nga makinat që bie në sy është Ferrari 275 GTS i vitit 1965. James e përshkruan atë si super makinë klasike dhe absolutisht e pabesueshme. Shumë prej makinave janë drejtuar nga garues të ndryshëm, shumë prej tyre kanë fituar trofe garash, ndërsa të tjera janë modelet e fundit të ndërtuara me dorë. Bëhet e ditur se automjeti të cilin ai e nget më shumë shumë është BMW 760Li me 700 kuaj fuqi dhe një motor V12. Gjithashtu, ai zotëron edhe një Alfa Romeo ATL i cili aktualisht është duke u riparuar.