Big Brother Vip Albania është një fenomen social që mbërthen fort jo vetëm vëmendjen por edhe debatin publik. Prej datës 13 Janar në Top Channel ka nisur edicioni i tretë i “Big Brother VIP 3”. Një reality show, i cili që në natën e parë të spektaklit arriti të gozhdonte para ekranit teleshikuesit dhe rezultoi të ishte mjaft i suksesshëm. Për efektet e këtij formati të gjithë kanë diçka për të thënë, si ata që e shijojnë e argëtohen, por edhe ata që janë kundër. Por, të gjithë janë dakord në një pikë: “Big Brother” nuk lë askënd indiferent.
Kanë kaluar tashmë mbi 100 ditë nga nisja, teksa finalja e këtij edicioni të “Big Brother” është më 25 maj. Ndërkohë, lufta sa vjen e bëhet edhe më e fortë, teksa banorët duan të fitojnë çmimin e madh. E ftuar sot në “Ndryshe”, Rike Roçi ka komentuar rrugëtimin në “BBV3”, ka zbuluar planet e saj e shumë të tjera.
Për mua është teatër, të gjithë lojtarët aty janë me skenare… Lojën e kam parë gjithmonë ndryshe nga të tjerët, është një ‘reality show’, jo teatër, për mua është shumë fallco…
Lidhur me arsyen pse hyri në “BBV3”, ajo u shpreh:
Unë kam marrë pjesë të Big Brother sepse dua të futem në kinematografinë shqiptare. Të presim…
A do të pranonte ajo për të hyrë në “Big Brother” në Itali?
Kam pasur propozim para shume vitesh për Big Brother italian, por jo…