Marsela Çibukaj ka sjellë EP-n e saj “Petale” dhe në listën e kësaj jave vjen projekti i saj i parë i albumit. Kënga mban titullin “Ata puthen” dhe nuk kemi si të mos dashurohemi pas zërit unik të artistes, që dallon dhe në këtë krijim.
Pas daljes nga shtëpia e “Big Brother VIP 3” këngëtarja Arta Kabashi tregoi se po planifikon projekte të reja muzikore dhe po shijon famën dhe simpatinë e publikut jashtë formatit. E një nga ato projekte do të ishte dhe bashkëpunimi me Romeo Veshaj. Kënga e tyre titullohet “Falëm”. Për ata që nuk janë në dijeni, kjo këngë u realizua nga dyshja gjatë qëndrimit të tyre brenda shtëpisë dhe ka arritur të bëhet mjaft virale në rrjet.
Gent Disha, një artisti i ri por shumë i talentuar, të cilin e kemi parë edhe si aktor, ka sjellë projektin e tij të dytë muzikor, “Melodi”. Kujtojmë se Genti u bë për herë të parë pjesë e kësaj liste me bashkëpunimin e tij me Ketjona Pecnikaj.
Një zë unik i tregut muzikor shqiptar është padyshim ai i Kelly-t. Artisti vjen për herë të parë pjesë e kësaj liste me projektin e tij “S’je këtu”. Nga ana tjetër, hyrja e fundit e kësaj jave por jo më pak e rëndësishme, është dhe Kanita, e cila do të na sjellë ca nota melankolike me projektin e ri “Vuj”.
Powered by The Top List © / Top Awards ©
