Elinel, emri i vërtetë i të cilit është Granit Bajraktari, është këngëtar dhe autor këngësh shumë i njohur. Së fundmi, ai ka publikuar projektin e tij të radhës titulluar “Sandra Jump”, ku në kanalin e tij zyrtar në YouTube ka publikuar vizualizer-in zyrtar, e cila është pjesë e albumit “GUR”.
Elgit Doda ka publikuar këngën “Zemra Jem”, këngë kushtuar dasmës së krijuar brenda shtëpisë së BBV midis Heidit dhe Romeos, ku ky i fundit përpara se të futej në këtë lojë ka shkruajtur tekstin së bashku me Elgitin dhe Ylli Limanin. Artisti ishte gjithashtu për të performuar në këtë ditë të rëndësishme për mikun e tij, ku zbuloi edhe këtë këngë të re.
Dy super bashkëpunime vijnë këtë javë midis reperëve më të njohur. I pari është midis Geasy dhe Ledri Vulës, titulluar “Thu”, të cilët bënë mjaft bujë me publikimin e posterit zyrtar të këngës në rrjete sociale. I dyti është midis Capital T dhe Jimilian, të cilët kanë sjellë melodi mjaft ritme në këngën e titulluar “Ike Ti”. Pjesë e Albanian’s Hot Top 30 bëhet gjithashtu Dea Strica me projektin e saj më të ri, të cilin ajo ka vendosur ta quajë “Monolog”.
Powered by The Top List © / Top Awards