Arti muzikor shqiptar vazhdon të pasurohet me projekte të reja dhe kësaj radhe është Ronela Hajati që vjen në qendër të vëmendjes me një këngë të re. “Jepi Gaz” quhet hiti i fundit i këngëtares së talentuar, i cili vjen i kompletuar edhe me një videoklip. Ronela, e njohur për performancat e saj energjike dhe prezencën karizmatike në skenë, tregon se është në formën e saj më të mirë. Lumi B dhe Buta kanë lançuar bashkëpunimin muzikor. “Trust” është publikuar pak ditë më parë, gjithashtu e shoqëruar me videoklip në platformën Youtube.
“Ma bebe” është një këngë argëtuese nga Stefania dhe Faydee që feston dashurinë dhe pasionin. Tekstet shprehin gëzimin dhe eksitimin e të qenit i dashuruar, me fraza tërheqëse si “habibi, amore mio, meu coração” që shtojnë një prekje romantike. Kënga ka një ritëm kërcyes që do t’ju bëjë të dëshironi të lëvizni trupin tuaj dhe të këndoni së bashku me ta. Sikurse në projektin e saj “Duro”, kënga e fundit e Dafina Zeqiri, titulluar “Go, go, go” gjithashtu ka për qëllim të përçojë mesazh të fortë tek audienca përball sfidave të shumta në jetë.
Powered by The Top List © / Top Awards
