Bashkëpunimet gjithmonë janë të suksesshme dhe asnjëherë nuk zhgënjejnë. Këtu me shumë siguri bëhet fjalë edhe për bashkëpunimin më të ri midis Kidës dhe Dafina Zeqirit, ku dy artistet kanë bashkuar forcat për të sjellë një projekt mjaft ritmik, pak ditë përpara se të mbarojë viti 2022. Dhe mesa duket vajzat nuk kanë gabuar me zgjedhjet e tyre, pasi që në ditët e para të publikimit ka arritur të pozicionohet në vendin e parë të listës sonë.
Pas tyre renditen artistët Ylli Limani dhe Loredana, ku edhe ato kanë vendosur të na dhurojnë një bashkëpunim mes tyre këtë fundvit. Ajo cilësohet si një këngë me mjaft adrenalinë dhe që në ditët e para ka arritur të grumbullojë komente pozitive nga dëgjuesit. Gjithashtu pritet se ka për të mbetur gjatë në listën e Albanian’s Hot Top 30.
Në vendin e tretë arrin të pozicionohet këngëtari Mozzik me projektin e tij më të fundit “Daddy”. E realizuar gjithashtu edhe me një videoklip, kjo këngë mjaft ritmike shpalos më së miri stilin e artistit. Zhanri i tij rrep dhe tingujt e veçantë e plotësojnë ashtu siç duhet këtë këngë.
Powered by The Top List © / Top Awards ©