Disa bashkëpunime mjaft interesante janë bërë pjesë e “Albanian’s Hot Top 30” për këtë javë. Soni Malaj dhe Dara kanë sjellë së bashku projektin “E Para e Rralla”. Lluni dhe ELINEL kanë bashkuar forcat për një super projekt mjaft ritmik në rrymën rap, titulluar “Rap Chat Gpt”. Nga ana tjetër, Dardan x Azet kanë vendosur të sjellin projektin “Pa mu” për të nisur sezonin e ri veror plot energji.
Alban Skënderaj pas suksesit me “Pranvera”, ka sjellë “La La La” një këngë perfekte për çelur këtë sezon të ri dhe për të shijuar verën. Kejsi Tola vjen me një dedikim mjaft të bukur për ndjenjat në projektin e ri, titulluar “Për Ty”. Kelly vjen këtë javë me një këngë të re, e cila sërish i dedikohet ndjenjave që ka për personin e tij të zemrën dhe titullhet “Hello”. Nga ana tjetër, 2Ton vjen me një super këngë ritmike, “Kaniher”, e cila i dedikohet një dashurie të lënë përgjysmë dhe tradhëtisë.
Powered by The Top List © / Top Awards
