Pa dyshim mund ta themi se kjo javë është e mbushur me plot bashkëpunime midis artistëve në tregun tonë muzikor. I pari vjen midis David Dreshaj dhe Young Zerka, të cilët vijnë me “Diabla”. Më pas Bardhi, Ricky Rich, Dj Gimi-O vijnë me një projekt mjaft interesant dhe ritmik, i cili quhet “Sa më do”.
Luiz Ejlli publikon këngën e tij të re, “Frymë”, ku konfirmohet dhe shtatzënia e Kiarës! Luizi dhe Kiara kanë konfirmuar me një videoklip mjaft të ëmbël se janë në pritje të fëmijës së tyre të parë. Çifti do të sjellë në jetë një vajzë dhe nuk mund të ishin më të lumtur se kaq. Nga ana tjetër, Olsi Bylyku dhe Emra Brah kanë bashkuar forcat për të sjellë “Vuj Vuj”, ku që nga titulli nënkuptohet që ka të bëjë me ndjenjat e emocionet pas një ndarje.
Grupi i njohur Humus kanë sjellë projektin e radhës. “Amshim” vjen nën tingujt karakteristikë të tyre, të cilët e kanë shoqëruar edhe me një videoklip. Bashkëpunimi i fundit vjen midis dyshes Elinel dhe Rina, të cilët kanë sjellë një dedikim rreth dashurisë, titulluar “Du”.
Powered by The Top List © / Top Awards ©
