Një emër i ri i shtohet listës së këngëve më të mira shqiptare për këtë javë. Është pikërisht KRAS. Ai ka publikuar këngën e tij më të fundit që mban titullin “Rrëfime”, një këngë e ndjerë që të jep përshtypjen se është mjaft personale për vetë artistin.
Ya Nina rikthehet sërish pas disa muajsh mungese. Dhe madje jo me një, por me dy këngë të reja. Mund të numërojmë një sërë artistësh që kohët e fundit kanë zgjedhur këtë mënyrë “2 në 1” për të publikuar këngët e tyre. Tani edhe Ya Nina i bshkohet këtij trendi. Eneda Tarifa vjen me një risi së fundmi. Ajo ka sjellë “Kjani Trima”, një ripunim të një këngë të njohur arbëreshe.
Fati e donte që Sin Boy të vijë tani me një këngë solo, pa Rinën. Por se sa sukses do të ketë ai tek publiku, duke qenë se çiftin ishim mësuar që t’i shihnim gjithnjë bashkë nëpër projekte, kjo mbetet për t’u parë. Art Abazi gjithashtu ka sjellë një tjetër nga perlat e tij, por këtë herë dozat e melankolisë janë edhe më të dukshme, që bën që “Jeta” të depërtojë edhe më thellë brenda nesh…
Powered by The Top List © / Top Awards ©