“Chemical” është publikimi i parë i Post Malone në 2023. Në melodinë optimiste të pop-rock-ut, Posty lufton për të përballuar fundin e një marrëdhënieje të trazuar, të cilën ai “nuk mund ta lërë të shkojë”. Ai kujton kujtimet e ndara me një të dashur të kaluar dhe se si jeta nuk është e njëjtë pa të. Kënga është lançuar më 14 Prill 2023 dhe është pëlqyer menjëherë nga publiku i gjerë duke u klasifikuar në lista ndërkombëtare.
Jorja Smith është një këngëtare e re në tregun ndërkombëtar, por gjatë viteve të fundit ka arritur të mbledhë mijëra ndjekës në të gjithë globin. Kënga ka të bëjë me vendosjen e vetes atje, përballë një bote që ka shumë opinione, pasi dikur Jorja ishte vetëm ajo që ishte kritike e vetvetes. Edhe ky projekt është lançuar gjithashtu më datë 14 të këtij muaji dhe numëroi menjëherë miliona shikime.
Bashkëpunimi midis BLANCO dhe Mina, për të sjellë këngën “A Bit Of Joy”, ishte një bashkim që vetë artisi e ka ‘ëndërruar’. Ai e ka cilësuar Mina-n si mbretëreshën e muzikës italiane dhe idhullin e tij. Zëri i Mina-s e ngre çdo këngë në qiellin më të lartë. Gjithashtu, është kategorizuar si një duet që nuk pritej mes dyshes, duke qenë se i përkasin dy periudhave muzikore të ndryshme.