The Playlist këtë javë kryesohet nga artisti Wiz Khalifa, i cili ka sjellë projektin e tij më të ri “Never Drinking Again”. Ndryshe nga herët e tjera artisti ka zgjedhur të sjellë një version mjaft të qetë të tij duke tentuar të këndojë në tinguj mjaft të qetë. Ndoshta dhurata që ai i bëri fansave të tij këtë fundvit ishte pikërisht ky projekt, ku ai erdhi si rrallë herë pa kënduar rrep dhe pa shpërthyer me tingujt e tij karakteristikë.
Vendi i dytë pasohet nga artisti Tom MacDonald, i cili ka publikuar këngën e tij “Ghost”. Ai e ka shoqëruar gjithashtu me një videoklip mjaft të veçantë së bashku me partneren e tij, ku fansat e kanë përkrahur pafund këtë zgjedhje të tij. Mesazhi i kësaj kënge shkon për të gjitha çiftet, të cilët kanë hasur shumë vështirësi dhe në fund kanë zgjedhur të jenë sërish së bashku.
Santa Fe Klan sjell projektin e tij më të fundit “Separados” dhe pozicionohet në vendin e tretë të klasifikimit The Playlist për këtë javë. Edhe në listat ndërkombëtare ai ka arritur të klasifikohet në vendet e para me anë të kësaj kënge kaq të veçantë. Nën tingujt latinë dhe tekstit në gjuhë spanjolle, artisti e ka realizuar këtë këngë duke ia dedikuar atë ndarjes. Pak e trishtueshme për këtë atmosferë festive që jemi, por publiku e ka pritur mjaft mirë.
