Nga hitet e vitit ’80 e deri tek ato që janë publikuar së fundmi, një javë plot larmishmëri na pret në Timeless Playlist. Duke nisur nga Diana Ross me hitin “Upside Down”, Roxette me “She’s got the look” apo Outkast me “Idlewild Blue” deri tek ato më të fundit si Ibeyi me “Sister 2 Sister” publikuar vetëm pak ditë më parë…
James Morrison na sjell ndërmend një këngë romantike që ndoshta e kishim harruar disi, një këngë prekëse dhe emocionuese ashtu siç vetëm Morrison di të sjellë, me “Precious Love”. Dy ikona të muzikës, siç janë Elton John dhe Stevie Wonder kanë bashkuar forcat për të sjellë një super projekt. Imagjinoni, të dy janë super artistë të suksesshëm, por kur bëhen bashkë pritet të bëjnë ‘namin’… Dyshja kanë ardhur së fundmi me “Finish Line”.
Një tjetër bashkëpunim që na tërheq vëmendjen këtë javë është pikërisht Ed Sheeran dhe Taylor Swift. Të dy ata kanë sjellë projekte të pëlqyera nga publiku dhe i tillë premton që të jetë dhe “The Joker And The Queen”.