Sot e ftuar në emisionin “Ndryshe” ka qenë një nga nga ish-banoret e shtëpisë së “Big Brother VIP”, Efi Dhedhes. Në fillim ajo hyri si një konkurrente e vetme së bashku me Mikelën, por më pas rrjedha e ngjarjeve ndryshoi krejtësisht dhe ajo u kthye në një prej konkurrenteve më të dashura nga i gjithë publiku.
Për çfarë ka studiuar Efi?
Kam studiuar për psikologji-sociologji. Nuk jam diplomuar, për dashurinë lashë shkollën. Do ta vazhdoj shumë shpejtë përsëri.
A është bukuroshja në një lidhje?
E kam thënë që kam të dashur. Nuk bashkëjetoj me të.
Si po e përballon Efi famën dhe kërkesat e shumta pas daljes nga ‘BBV’?
Mendoj se më ka ardhur kjo gjë kaq e bukur në pikën që jam e pjekur mjaftueshëm që ta kontrolloj. Jam aq e mbushur sa nuk më interesojnë kërkesat, nuk i shoh fare. Aty ku kuptova se si mund ta shijoj ‘Big Brother-in’, aty mu ndërpre fatkeqësisht udhëtimi. Tani e konceptoj, meritoja të isha aty brenda.
Pse e kanë konsideruar Efin si ‘Shefe të diplomacisë’?
Ndoshta sepse jam treguar diplomate me Luizin, prandaj më kanë thënë ashtu. Nuk jam me të tjerët. Luizin e kam shok, e kam mik, nuk e kam njohur më përpara.
Bukuroshen nuk e kemi parë shpesh në intervista, pse kjo zgjedhje?
Nuk kam dashur se janë të njëjtat pyetje, e njëjta situatë. Nuk dua të bëhem e lodhshme.
Cila ka qenë ëndrra e fëmijërisë së Efit?
Kam dashur të bëhem piktore. Më thonin që do jesh fukara dhe ma vranë ëndrrën.
A do të donte Efi të ishte prezantuese në ‘Portokalli’?
Më pëlqen humori dhe as këtë pjesë nuk e keni parë. Aty brenda kam treguar pak nga talentet e mia. Nuk kam patur vetbesim, prandaj nuk kam bërë audicione në ‘Portokalli’, tani kam shumë. Më pëlqen shumë humori.
Personazhi publik që ka më shumë simpati?
Bora.
4 finalistët sipas Efit?
Luizi, Luizi, Luizi dhe Luizi.
Kush del sonte sipas bukuroshes?
Armaldo. Ajo (Olta) nuk del dihet.
Mendimi i Efit për dyshen Luiz-Kiara?
Në kuadër të lojës, Kiara pa Luizin nuk mundet.