Reklama e fundit e Apple për iPad-in e ri të saj ka shkaktuar zemërim te përdoruesit e rrjeteve sociale. Ajo promovon iPad-in më të hollë ndonjëherë dhe përmban mjete kreative si kamera, libra dhe instrumente muzikore të cilat shtypen. E gjithë kjo është vendosur në melodinë e këngës së Sonny&Cher të vitit 1972, “All I Ever Need Is You”.
“Njihuni me iPad-in e ri Pro. Vetëm imagjinonin gjërat që do të përdoren për ta ndërtuar atë”-shkroi CEO i Apple, Tim Cook. I shpejtë ishte reagimi i njerëzve që e dënonin shtypjen e objekteve artistike. “Nuk ka asnjë respekt për pajisjet”-shkroi një përdorues. iPad-i i ri ka një çip nga Apple dhe një ekran që e bën atë produktin më të hollë të kompanisë.
Meet the new iPad Pro: the thinnest product we’ve ever created, the most advanced display we’ve ever produced, with the incredible power of the M4 chip. Just imagine all the things it’ll be used to create. pic.twitter.com/6PeGXNoKgG
— Tim Cook (@tim_cook) May 7, 2024
Rikujtojmë, se dërgesat e telefonëve nga Apple kanë pësuar një rënie prej 10% në tremujorin e parë të 2024, shkaku i konkurrencës së madhe të telefonave Android. Bëhet e ditur se dërgesat globale të telefonave Samsung janë rritur për 7.8% gjatë periudhës janar-mars, duke zënë kështu vendin e parë si prodhues global.
Xiaomi si një nga prodhuesit kryesor të telefonave në Kinë, zë vendin e tretë. Samsung i Koresë së Jugut i cili së fundmi ka prezantuar serinë e re Galaxy S24 ka dërguar më shumë se 60 milionë telefona gjatë kësaj periudhe tremujore. Kjo rënie e Apple thuhet se nënvizon sfidat me të cilat përballet kompania amerikane në treg, pasi disa kompani kineze e kufizojnë përdorimin e pajisjeve Apple nga punonjësit.
Gjiganti teknologjik do të mbajë një konferencë në qershor ku do të nxjerrë në pah përditësimet e softuerit që fuqizon iPhone, iPad dhe pajisjet tjera Apple. Ndërkaq, rikujtojmë se përdoruesit e iPhone pretendojnë se përditësimi më i fundit i Apple iOS i bën pajisjet të papërdorshme. Megjithatë, ka një zgjidhje për këtë problem. Zbuloni duke klikuar në këtë link.
