Në varësi të drejtimit të erërave, Evropa mund të ekspozohet ndaj pluhurit nga Afrika, e cila në kombinim me shiun krijon depozita pluhuri të imët në makinë. Pastrimi me një leckë të thatë mund të dëmtojë ngjyrën e automjetit dhe duhet të jeni jashtëzakonisht të kujdesshëm. Sigurisht, mund të provoni ta pastroni rërën me dorë, por kjo kërkon shumë ujë, sepse në të kundërt grimcat e rërës do të fërkohen dhe do të shkaktojnë gërvishtje.
Prandaj, rekomandohet të shkoni në një lavazh. Aty përdoret shumë ujë për makinë në disa faza të larjes. Pas larjes me një sasi të madhe uji, pastroni sipërfaqet me dorë me një leckë të lagur mirë. Lani shpesh leckat për të parandaluar mbajtjen e pluhurit. Bëni provën, kaloni një leckë të bardhë të pastër në brendësi të automjetit. Nëse pëlhura zverdhet menjëherë, është shenjë se rëra ka hyrë në atë pjesë të automjetit, ndaj pastroni edhe pjesën e brendshme.
Fillimisht fshijeni me korrent kur është e mundur, më pas pastroni sipërfaqet me një leckë të lagur ose një pastrues të përshtatshëm. Nëse është koha për të zëvendësuar filtrin e kabinës, duhet të bëhet menjëherë pas një stuhie rëre. Nëse tashmë është plot dhe tani rëra është filtruar, duhet të zëvendësohet. Në varësi të makinës, filtrin e kabinës mund ta ndërroni vetë.
